Skip to main content

Suliffissaaleqisunut suliniutit immikkut ittut

Ove Karl Berthelsen Aningaasaqarnermut Inatsimmi 2011-mi immikkut aningaasaliissutinik piniarpoq, suliffissaaleqisut suliffinni nutaani suliffeqalernissaannut atugassanik

Nunatsinni sulisinnaasut amerlassusiat naalakkersuisooqatigiit qaammammi kingullermi qulaajaavigisimavaat, tamatumani suliffissaaleqisut amerlassusiat qanoq annertutiginersoq aammalu suliffissaaleqisunit amerlasuut sulilerseqqissinnaanerat nalilersuiffigineqarsimallutik.

- Suliaq taanna ingerlanneqarpoq nunatsinni sulisinnaasut maanna suliffeqanngitsut, taamaammallu sillimmatitut isigineqarsinnaasut inuussutissarsiutini ineriartorfiusuni suliffeqalerumaarnissaat aqqutissiuunniarlugu.

Suliffissaaleqineq annertusiartorpoq, minnerunngitsumillu illoqarfiit mikinerit nunaqarfiillu annermik eqqugaapput.

– Pissutsit atulikkagut ilungersunarput, taamaammallu pimoorullugu iliuuseqarniarluta sulivugut, Inuussutissarsiornermut Aatsitassarsiornermullu Naalakkersuisoq Ove Karl Berthelsen oqarpoq.

- Suliffissaaleqinerup qaffariarnera arlalinnik pissuteqarpoq: Kommunit suliffissaaleqisut tamaasa nalunaarsorsinnaanngorsimavaat, aammattaaq illoqarfinni minnerni nunaqarfinnilu. Taamaasillunilu suliffissaaleqinermit kisitsisit paasissutissat pigineqartut piviusuunerusumik takutitsilerput, aammali siusinnerusumit qaffasinnerunerannik ersersitsilerlutik. Suliffeqarfiit inuussutissarsiutinik ingerlataqartut ukiuni kingullerpaani ikileriarsimapput, aamma nunarsuarmi aningaasarsiornikkut ajornartorsiorneq nunatsinnut anngussimalluni. Tamatumunngalu ilutigitillugu aalisartut mikinerusunik angallateqartut aningaasarsiornermikkut ajornartorsiorput, arlallillu inuussutissarsiutiminnik taamaatitsiinnartarlutik, nassuiaavoq.

Taamaattumik Ove Karl Berthelsen sapaatit akunneranni tulliuttumi 2011-mi Aningaasaqarnermut Inatsimmik immikkut ittumik aningaasaliissuteqarnissamut siunnersuuteqarneriarpooq. Aningaasat nunami maani suliffissaaleqisut immikkut ittumik suliniuteqarfigineqarnissaannut atorneqassapput.

- Suliffissaaleqisut suliffissanut nutaanut nutsersinnaaneranni aporfissat annertunerusut unammilligassallu qulaajarsimavagut, suliniutissatullu pilersaarummik suliaqarsimalluta, Nunatta immikkoortuini assigiinngitsuni ineriartortitsinissamut anguniagassatut aalajangersagaasut kommuninilu kissaataasut tunngavigalugit ingerlanniakkatsinnik. Misissuinerit takutippaat nunaqarfinni isorluinerusunilu periarfissat pillugit paasissutissanik amigaateqartoqartoq, aammalu inuit amerlasuut periarfissanut tunngasunik ilisimasaqarnerusuugunik suliffissat malersorlugit nuunnissaminnik eqqarsaateqarsinnaasut. Paasissutissat tamakkua sulinitsinni iluaqutigineqarnissaat pingaaruteqarpoq, Ove Karl Berthelsen oqarpoq, nangillunilu: - Periutsinik nutaanik atuisoqarnissaa pisariaqarpoq, sulisinnaasutut sillimmatigisatta inuussutissarsiutinut nutaanut piareersarneqarnissaanni.

Nunatsinni suliffissaaleqisunut suliniutaasussatut pilersaarutaasoq immikkut ittoq upernaap ingerlannerani aallartinneqassaaq, inernerilu siulliit aasanngitsoq malugineqarsinnaalissasut naatsorsuutaalluni.

Bornholmimut paasisassarsiorluni angalanermi, kommunini sulifissarsiuussisarfiinni sulisunit peqataaffigineqartumi periarfissat aalajangersimasut oqaluuserineqarput, minnerunngitsumik qanoq iliorluni suliffissaaleqisunut siunnerfeqartumik suliniuteqartoqassanersoq eqqarsaatigalugu, taamaaliornikkut inuit pineqartut periarfissanut piusunut piumassuseqarlutik isumalluarlutillu aqqutissiuunneqarsinnaaqqullugit, Ove Karl Berthelsen ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER