Timmisartup ajutoornerata kingorna Nuummi timmisartut unipput

Nuummi Mittarfik tallimanngormat piffissami qanoq sivisutigisumi aalajangersimanngitsumik matuneqarpoq

Timmisartoq Air Icelandimeersoq ataatsip missaani Nuummi mittarfiup avataanut sisoorpoq - timmisartumi issimasut 34-it tamarmik ajunngillat. Assiliisoq: Leiff Josefsen.

netredaktion (netredaktion@sermitsiaq.ag)

tallimann 04. mar 2011 05:17

Annonse

- Nuummut aamma Nuummit timmisartornissat piffissami aalajangersimanngitsumi unitsinneqarput. Timmisartortarneq pillugu oqartussaasunit tusarlerneqarnissarput utaqqivarput, Air Greenlandimi attaveqaqatigiinnermut suleqataasoq Pia Christensen Bang, Sermitsiaq.AG-mut ilisimatitsivoq.

Air Icelandip timmisartuutaa Dash-8 tallimanngormat nalunaaqutaq 13.10 missaanni Nuummi mittarfimmut kipulluni mippoq, qujarnartumilli ilaasut aamma timmisartup inuttai katillugit 34-usut ajoqusersimanatik tassuuguinnaq timmisartoq qimappaat.

nunatsinnit inuiagatigiit