Timmisartup assakaasui isamipput
Air Icelandip Nuummi Mittarfimmi ajutoornerata ilaasut timmisartut Dash 8-t ajutooqattaarnerannik eqqaasinneqarput
- Malugineqarsinnaavoq assakaasoqarfiisa assut seqqulunnerat minnittalu kinguninngua isamippalupput. Eqqarsaatiginanngitsuunngilaq timmisartut dashit assakaasoqarfimminni arlalippassuariarlutik ajoquteqatarsimanerat.
Taamak oqaluttuarpoq ilaasut 31-iusut ualileraa Nuummi mittarfimmi ajutoortoqarnerani ilaasut ilaat, timmisartut Dash 8-t canadamiut timmisartuliortartuinit Bombardierikkunnit sananeqarsimasut eqqarsaatigalugit.
Timmisartut Dash 8-t SAS-imut 2007-imi ajornartorsiortitsingaatsiarput. Suliffeqarfiup misigaa timmisartut pingasut malittuinnangajammik assakaasoqarfii ajornartarsiutaallutik ajutooqattaartut. Pisut taakku kingorna SAS timmisartut, tamanit ilisimaneqartumik ajorineqalersut, atorunnaarpai.
Canadamiut timisartuliortartut Bombardierikkut timmisartuliaat Dasah 8-t ajoquteqatarnerat annertuvoq timmisartuliortartullu akornanni ilisimaneqarluarlutik. Naallu taamaakkaluartoq timmisartuutileqatigiit timmisartut taakku ajornartorsiutaasartut sarpillit pisiarissallugit nangaassutigisanngilaat. Tamatumunnga pissutaavoq timmisartut Dash 8-t aningaasartuutaanerisa annikitsuunerat aamma nutaaliaanerat.