Skip to main content

Anoraasuaq ajutoornermut pissutaavoq

- Minnermi anoraasuap timmisartoq sangutippaa taamaalilluni assakaasuata ilua mittarfiup avataani apummut marritsillugu, politikommissær Niels Nyvang oqaluttuarpoq

Aatsaat siullerpaamik timmisartoq ilaasunik angallassisartumik, Nuup Mittarfiani 1979-imi sananeqartumi, ajutoortoqarpoq. Siusinnerusukkut timmisartut minnerit Nuummi ajutoortarput.

Air Icelandip timmisartua Dash 8 Nuummut mitsilluni mittarfiup saneraanut anorimik ajanneqarpoq. Inunnik ajoqusertoqanngilaq. Kisianni ilaasut 31-usut tallimanngormat ualikkut Nuummi mittarfimmut minnerminni tupatsinneqarujussuarput.

Kisianni timmisartup mittarfiup avataanut sisoornerani inunnik timimikkut ajoqusertoqanngilaq, politiit ilisimatitsipput.

- Minnerup nalaani anoraasuap timmisartoq saqitippaa taamaalilluni assakaasuata illua mittarfiup avataani apummut marrippoq, politi kommissær Niels Nyvang oqaluttuarpoq.

Timmisartoq kussangajaap saavata tungaanut unippoq suluusaatalu illuatungaa annikitsumik ajoquserluni.

Ilaasut 31 inuttallu pingasut ajutoortoqareernerata kingornatigut mittarfiup illutaani katersuutsinneqarput.

Ilaasut inuttallut timmisartup ajutooreernerata kingorna nammineq pisullutik mittarfik ikaarlugu timmisartumit ajutoorsimasumit mittarfiup illutaanut ingerlapput.

- Ajutoortoqareernerata kingorna nassuiaassinermik taasakkatsinni tarnip pissusaanut nakorsaq peqataavoq, politikommissæri oqarpoq.

Timmisartoq Dash 8 marlunnik motoorilik Islandimi Reykjavikimiit tikippoq.

Ilaasut ilaat misigisaq sakkortooq pillugu Sermitsiamut oqaluttuarpoq:

- Ajoraasuartarnerata timmisartoq tingittaraa malugisinnaavarput, soorlu sajuppiluttoq. Timmisartortartup minnissani aalajangermagu eqqarsarnarpoq, sooq qummukaqqinngiinnarnersoq utaqqillunilu pissutsit qanoq innersut naatsorsoriarlugit pitsaanerulerpat misileeqqilluni.

Politiit oqaluttuarput Danmarkimi Havarikommissioni (timmisartunik ajutoortoqartillugu misissuisartut) ajutoorsimaneq pillugu ilisimatinneqareersut piffissamilu qaninnerpaamik Kalaallit Nunaannukassasut pisimasoq sukumiinerusumik misissuiffigiartorlugu.

Københavnimi mittarfiani Kastrupimi oktobarimi 2007 Dash 8 ajutoorpoq, assakaasoqarfiisa eqqortumik anillanngitsoorneri pissutaallutik.

Kingusinnerusukkut paasineqarpoq nigaliusaq gummimik sanaaq katassimasoq atortuinullu hydraulikkimik ingerlasunut "pulatersimalluni" taamaattumillu assakaasoqarfianik ajornartorsiortitsilersimalluni.

Ajoqutaasoq takkuitsoorneqarsimavoq tamatumunnga pissutaalluni misissuinermi maleruagassat naammaginanngitsumik suliarineqarsimanerat, Havarikommissionen taamanikkut inerniliivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER