Skip to main content

Lottomillioneerit normu 2.500-ssaat Nuummi

Arfininngornermi lottomillioneerit pingasut 6 millionit koruuninik eqquipput - ataaseq Nuummeersuuvoq

Arfininngormat unnukkut Nuummi lottortartoq 6.103.777 koruuninik eqquivoq kisitsisit uku eqqorlugit 10-15-17-24-26-32-33, Nuummi Pisiffimmut tunniunneqartoq.

Taamaalilluni taanna lottortartut normu 2.500-ssaraat 1989-imiilli millionit koruunit sinnerlugit eqquisut ilaat. Kina Nuummi arlaat eqquisimanersoq tamanut saqqummiunneqanngilaq, kisianni taanna Dansk Tipstjenestemit saaffigineqarumaarpoq ilaatigut akileraarnissamut aamma aningaasaliissuteqarnissamut siunnersorneqarnissaa pissutigalugu.

Allat marluk lottortartut aamma eqquipput, aamma 6 millionit koruunit pallillugit eqquisut, Danske Spil taamatut ilisimatitsivoq.

Lottomik eqquisut Brammingimi, Koldingimi aamma Nunatsinni Nuummi najugaqartuupput.

Nalinginnaasuunngilaq lottomik eqquisut amerlanerpaartaat illoqarfiit pingaarnersaanneersuunerat, tassa 663-it lottomillioneeriummata.

Tullinnguulluni Region Syddanmark 517-inik eqquisoqarfiusimasoq aamma Region Midtjylland 486-inik eqquisoqartoq. Kalaallit Nunaanni kisitsit 23-voq.

Aamma eqqukkat 6 millionit koruunit nalinginnaasuunngivipput. Agguaqatigiissilluni millioninik eqquisartut eqqortarpaat 3.883.455 millionit koruunit.

Tassa Lotto amerlanerpaamik millioneerinngortitsisuuvoq. Tassa 1986-inik. 389-it Onsdags Lottomi eqquillutik millioneerinngorput, 122-t Jokerimik.

Oktobarip arfineq aappaanniilli 1989 qallunaarpassuit, kalaallit aamma savalimmiormiut tv-p eqqaani issiallutik kisitsisit eqqoriakkatik makinneqarlutik eqquerujussuarnissartik neriuutigisarpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER