Jakob Larsen uterpoq

Jakob Larsen Ajaximut unamminermi imminut peqataatilerpoq

Jakob Larsen unammisarfimmut iseriartortoq. Assiliisoq: Knud Fl. Larsen
Jakob Larsenip timeout-ernermi unammisartuni oqaloqatigigai. Normu 88 tassaavoq Aqqaluk Sørensen. Assiliisoq: Knud Fl. Larsen
Aqqaluk Sørensen aamma Jakob Larsen unammereernermi qungujulaqaat. Assiliisoq: Knud Fl. Larsen
Jakob Larsenip timeout-ernermi unammisartuni oqaloqatigigai. Normu 88 tassaavoq Aqqaluk Sørensen. Assiliisoq: Knud Fl. Larsen Aqqaluk Sørensen aamma Jakob Larsen unammereernermi qungujulaqaat. Assiliisoq: Knud Fl. Larsen Jakob Larsen unammisarfimmut iseriartortoq. Assiliisoq: Knud Fl. Larsen Jakob Larsenip timeout-ernermi unammisartuni oqaloqatigigai. Normu 88 tassaavoq Aqqaluk Sørensen. Assiliisoq: Knud Fl. Larsen Aqqaluk Sørensen aamma Jakob Larsen unammereernermi qungujulaqaat. Assiliisoq: Knud Fl. Larsen Jakob Larsen unammisarfimmut iseriartortoq. Assiliisoq: Knud Fl. Larsen Jakob Larsenip timeout-ernermi unammisartuni oqaloqatigigai. Normu 88 tassaavoq Aqqaluk Sørensen. Assiliisoq: Knud Fl. Larsen

”Ajorsaleruttorfimmigooq ikiuutissaq qaninnerusarpoq”. Taamatut Jakob Larsen, Faaborg HK-mi sungiusaasuni pingaarnerusoq, eqqarsarsimassaaq unamminermi pingaartorujussuarmi, Ajaximut 1. Divisionimi unamminermi, annanniarnermi, 10 minutsit ingerlareersullu imminut isertikkami.

Arsaattut pingasut Faaborg HK-minngaanneersut minnerusumik ajoqusersimapput. Taava Jakob Larsen unammiffimmut iserpoq illersuineq iluameersumik ingerlanneqarniassammat. Iluatsipporli. Unillatsiarnermi 10–7-mik siuaqqareerlutik Faaborg HK unamminerup naammassinerani 29–22-mik ajugaapput.

Saassussinermi Faaborg HK-p kalaalertaasa aappaat Aqqaluk Sørensen, nunanut allanut unammisartoq, aallartinnerlulaaraluarluni unammilluavippoq. Isertitsinerit torraasut pingaaqisullu sisamat Aqqaluk Sørensenip isertippai.

- Unamminerup aallartinngilaattaani unammeqataanissara eqqarsaatigaara, Jakob Larsen unammereernerup kingorna nuannaarluni toqqissiallaqqallunilu oqaluttuarpoq. Taavalu arsaattut pingasut annikitsumik ajoqusersimammata aalajangernera ajornarpallaanngilaq. Ajugaaneq uagutsinnut pingaartorujussuuvoq. Piffissap unammeqattaarfiusup tullissaanut takorluukkagut angorusutagullu annertoorujussuupput, divisionimi pikkorinnerpaanut ilaarusuppugut. Iluatsissappat unamminerit ukua kingulliit ilaanni pointsinnattariaqassaagut, ullumikkullu ajugaaneq ajunngitsumik alloriarfiuvoq.

Jakob Larsen aamma Aqqaluk Sørensen saniatigut Rasmus Larsen aamma Fynimi unammeqataavoq. Rasmus Larsen taavalu HF Odense Gudme-mi GOG-mut 47–21-mik ajorsarujussuarput, taakkua ajugaanerup kingorna, 1000-inik isiginnaartulimmi, 1. divisionimut qaffannertik malunnartippaat.

1. divisionimi piffissami unammisaqattaarfiusumi nutaami aallartittussami Faaborg HK-p taavalu GOG-p peqataaffigisaannut Fynimi assammik arsarnermik isiginnaartartut unamminissanut pissanganartunut ”Fynimik pissartaalernissamut” kalaallinik peqataaffigineqartunut qilanaalereersinnaapput.

Powered by Labrador CMS