Skip to main content

Ole Frimer Trio aamma Varna

Marsip 11-ianni 2011 Ole Frimer Trio aamma Varna bluesimik Katuami tusarnaartitsersuaassapput

Ole Frimer Trio nipilersortartuupput misilittagallit, siusinnerusukkut Avannaanni workshopertitsisimasut. Tassani ilaatigut ilinniartippaat ullumikkut Disco Bay Blues-imik Varna-millu taallutik nipilersortartut. Kingorna Ole Frimer Trio Kalaallit Nunaannut qanimut attaveqalerput Varna-mullu attaveqarneq attatiinnarneqarsimavoq, taamatut Katuaq tusagassiorfinnut nalunaarutikkut paasissutissiivoq.

Nuummi tusarnaartitsinermut atatillugu inuusuttunut piginnaanilinnut workshopertitsisoqassaaq, tamannalu pissaaq nipilersornermik ilinniarfik suleqatigalugu ulluni pingasuni, marsip 8-anniit 10-annut.

Marsip 12-ianni Ole Frimer Trio Sisimiunut ingerlaqqissapput tassani unnukkut Taseralimmi tusarnaartitsissallutik

Ole Frimer trio

Århusimiu Ole Frimer Danmarkimi bluesimik nipilersortartut nuimanerpaat ilagaat. Pingaartumik nammineq erinarsuusiaminik CD-nik arfineq-pingasunik saqqummersitsinikuulluni nunani tamalaani tusaamasaalersimavoq misilittagaqalerlunilu. 2001-imi nipilersoqatinilu Blue Junction-imik nersornaaserneqarpoq qallunaani siullersaalluni, tassa amerikarmiut Real Blues-imik nersornaasiuttagaannik immikkoortumi "Best Live European Blues Recording", 2004-milu "Best Foreign Blues Act"-imik nersornaaserneqarluni. 2008-mi Danish Music Award-imik nersornaaserneqarpoq saqqummiussaminik taaneqartumik "Årets Danske Bluesalbum".

Ole Frimerip ukiut ingerlaneranni nammineq nipilersoriaatsiminik namminerlu nipilersortartutut kinaassutsiminik ineriartortitsisimavoq. Pingaarnerusumik isumassarsiorfigisarsimavaa USA-p kujasissortaa. Pingaartumik Texas-blues malunnaateqarpoq, aammattaarli Tex-mex soulimillu erinarsortartut nipilersornikkut ineriartorfigisimavai.

Bassertup Jesper Byllingip siusinnerusukkut nipilersoqatigisarsimavai Johnny Madsen, Rock Nalle, Allan Olsen il.il. Jesper ullutsinnut naleqquttumik atisuumik bassertartuuvoq nammineq nipimik pilersitaminik.

Nils Bo Poulsen, tumerparpaartoq percussionisterlu, ålborgimi nipilersortartuneersuuvoq, pingaartumik rock, blues jazz-ilu sammisarsimallugit. Tumerparlaallaqqissuuvoq, tumerparpaanillu kisimiilluni tusarnaartitsineq soqutiginartoq sapinngilluarpaa.

Ole Frimer Trio pillugit annertunerusumik atuarit uani: www.myspace.com/olefrimertrio

Varna

Varna bluesimik erinarsortartuuvoq Nuummeersoq. Tusarnaartitseqqaarpoq 2006-imi Katuami nammineq nipilersortulerluni, 2007-imilu nuut saqqummiuteqqaakkani "I Wish" saqqummersippaa. Pingaartumik nammineq erinniaminik, taalliortoralugit Varna bassertorlu Jorsi Sørensen.

Varnap nipilersortorissavai Jorsi Sørensen, Villads Sandgreen aamma Nino Fencker.

Varna pillugu annertunerusumik atuarit uani: http://www.myspace.com/varnaband

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER