Skip to main content

CIAmut tunngasumik aalajangiisoqanngilaq

Kuupik Kleist aamma Naalakkersuisut suli aalajanginngillat Inatsisartut Nunanut Allanut Sillimaniarnermullu Ataatsimiititaliaata CAIp timmisartuussisarsimaneri pillugit arlaannaannulluunniit attuumassuteqanngitsumik misissuititseqqusinerat tapersersussanerlugu suli aajanginngillat

Naalakkersuisut - taamaattumillu Nunarput sinnerlugu - suli politikikkut isuminngillat Folketingimi illuatungiliuttut tapersersussanerlugit tamatumalu kingunerisaanik CIAp ilaatigut Kalaallit Nunaanni timmisartuussisarsimasorineqarneranut tunngatillugu arlaannaannulluunniit attuumassuteqanngitsumik misissuititsinissaq piumasaqaatigissanerlugu.

Taamatulli suli isummertoqarsimannginera paasinanngilaq ullummikkut Politiken saqqummersoq atuaraanni. Taassuma saqqaani allassimavoq:

Kalaallit Nunaat: CIAp timisartui misissuiffigineqassapput

Mannali tikillugu "taamaallaat" nunanut allanut sllimaniarnermullu ataatsimiititaliaq isumaqatigiittoq, arlaannaannulluunniit attuumassuteqanngitsumik misissuisoqarnissaanik piumassaqaateqarnermut tunuliaqutaavoq. Soorunami isumaqatigiinneq Naalakkersuisunit poltikkikkut tatisisussaq. Kisianni naatsumik oqaatigalugu manna tikillugu Kuupik Kleist suli nalunaaruteqanngilaq Kalaallit Nunaat pisortatigoortumik arlaannaannulluunniit attuumassuteqanngitsumik mississuisoqarnissaanik piumasaqaateqarniarnerluni.

- Ilimanarpoq sapaatit akunnerata ingerlanerani aalajangiisoqarumaartoq, Kuupik Kleist oqarpoq.

Politikenimi allaaserisaq tunngavigalugu Savalimmiut aammattaaq arlaannaannulluunniit attuumassuteqanngitsumik misissuititsisoqarnissaanik piumasaqaateqarput. Kisianni tappavani naalakkersuisut piumasaqaammut tunuliaqutaanngillat, kisianni Høgni Hoydal illuatungiliuttuneersoq Namminersulerniat partianeersoq.

Folketingimi partiit illuatungiliuttut akornanni assut neriuutigineqarpoq Naalakkersuisut sakkortusaarnissaat, tassami danskit naalakkersuisuisa arlaleriarlutik arlaannaannulluunniit attuumassuteqanngitsumik misissuisoqarnissaanik itigartitsereermata.

Allaavoq danskit naalakkersuisuisa danskit partiannik itigartitsinerat. Arlarluinnaavorlu Kalaallit Nunaat - naalagaaffeqatigiinnermi namminersorluni oqartussaasoq - itigartissallugu. Tamatuma danskit naalakkersuisui ileqqorissaarnermi ajornartorsiornartumik inississavai, naak Danmarkip nunanut allanut sillimaniarnermullu politikki akisussaaffigigaluaraa. Taamaattumik illuatungiliuttut neriuutigaat Kalaallit Nunaata tungaaniit arlaannaannulluunniit attumassuteqanngitsumik misissuititsisoqarnissaanik tatisimanninnissaa.

Sooq Naalakkersuisut qangarsuarli danskit naalakkersuisuint politikikkut isumartik saqqummiussimannginneraat, tamanut saqqummiunneqarsimanngimmat ilisimaneqanngilaq. Qaammatip kingulliup ingerlanerani Kuupik Kleist aamma nunanut allanut sillimaniarnermullu ataatsimiititaliaq arlaleriarlutik ataatsimiittarput. Kisianni aalajangernissaq suli utaqqinneqartuarsinnarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER