Skip to main content

Siunnerfeqartumik isornartorsiuineq ujartorneqarpoq

Olga P. Berthelsen illua'tungiliuttut uparuaasinnaanerat akuersaarpaa, tamannali siunnerfeqartumik pissaaq

Illua’tungiliuttut qaqugukkulluunniit isorisaminnik uparuaasinnaapput – siunnerfeqarnerugaluarunik, tas’ aatsaat Inatsisartut siulittaasoqarfiani ilaasortaq Olga P. Berthelsen tusagassiuutitigut allappoq.

- Partip sorliugaluartup Inatsisartut siulittaasuat iliuutsimigut sunut tamanut tunngasutigut ”ataqqinaatsuunerarlugu” tusagassiorfiit aqqutigalugit isornartorsioruniuk, isornartorsiuinera tunngaviusumik Inatsisartunut tamanut tunngavoq. Taamaammat taama isornartorsiuineq ersarilluinnartuusariaqarpoq, tikkuaavoq.

- Soorunami aamma pissusissamisoorpoq parti sorliugaluartorluunniit tusagassiorfiit aqqutigalugit uparuaasariaqarunik ilimagisariaqassagaat taama uparuaanerit soorunami aamma tusagassiorfiit aqqutigalugit akineqartariaqartut. Taamami pisoqanngippat illuinnaanit eqqunngitsumik uparuaaneq ilumoortutut isumaqartinneqalissammat.

Suliami matumani pineqartoq tassaaginnarpoq Inatsisartut Kukkunersiuinermut Ataatsimiititaliaani sivisunerpaamik ilaasortaasimasup nammineq suliassani sumiginnarsinnarlugu kukkunini allanut tutsinniartutut pissusilersulerami. Suliassat taama ittut minnerpaamilluunniit uppernarsaataasinnaasunik ilanagit tusagassiorfitsigut nalunaaruteqarnerinnakkut isumannaarsinnaasorigaanni uparuaasup akisussaaffimminik qimarratiginninneratut taamaallaat paasisariaqarpoq.

Siumup tusagassiorfitsigut nalunaarutaatigut ilaatigut piumasarineqarpoq Inatsisartuni siulittaasoq ”Inatsisartunut ilaasortat sinniisaattut tamanit ataqqineqartussatut pissusilersortussaavoq” soorluttaaq ”siulittaasoq siulittaasutut atuunnerup malitsigisaanik ataqqinartumik pissusilersortussaasoq”. Nipituumik oqaatiginngikkaluarlugu neriunneq saaffigiinnarpara, taama ataqqinassutsimik allanut piumasaqarneq ilumullimi aamma partimut matumani pineqartumut aammattaaq atuukkaluaruni qanoq iluaraluaq.

Samme pressemeddelelse slutter af med, at ”det skinner igennem, at formanden optræder som Naalakkersuisuts forlængede arm, hvilket desværre finder sted alt for ofte.” Det ville være et parti værdigt om de præciserede i hvilke konkrete tilfælde dette forhold gør sig gældende, mener Olga P. Berthelsen.

Tusagassiutinut nalunaarut matumani pineqartoq oqaatsinik imaattunik naggaserneqarpoq ”Inatsisartuut siulittaasup naalakkersuisooqatigiit suleqataattut pissusilersornerusarnera ersarippoq, tamannalumi ajuusaarnaraluartumik akulikippallaamik pisarpoq”. Qanoq iluartigissagaluarpa parti taama pisuutitsisoq sorpiaat taama pisuutitsinerminni pinerlugit assersuusiorsimasinnaagaluaruni, Olga P. Berthelsen isumaqarpoq.

Inatsisartuni ilaasortatut tamatta suut ilungersuutigalugit suliariniakkavut peqqissaartumik toqqartorsinnaasariaqarpagut, soorlu siunnerfeqanngitsumik inuiaqatigiinni susassaqarfinnik pingaarutilinnik isornartorsiuilersinnata imaluunniit pisussaaffitsinnik miserratiginnilersinnata.

Inatsisartuni sulinermi inatsisit malittarisassallu Inatsisartuni nammineq aalajangersorsimasavut toqqammaviupput.

Inatsisartut siulittaasuat suliani ataqqinassuseqartumik ingerlappaa aamma Inatsisartuni tamatta siulittaasutsitut iliuuseqarfissamisut aalajangersakkat malillugit. Taamaammat pingaarnertut apeqqutaaginnarpoq ilaasortaasugut tamatta inuiaqatigiinnik sullissineq angusaqarusulluta siunnerfittut pingaarnertut sulinitsinni nalerarerusunneripput, Olga P. Berthelsen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER