Arnanut peqataassaaq

Arnat ulluat 8. marsi 2001 Katuami malunnartinneqassaaq.

Naak 2011-miikkaluarluta suli inuiaqatigiit akornanni arnanut pisartunut tunngatillugu paasisitsiniaasariaqarpoq, Katuaq tusagassiuutitigut allappoq.

8. marsimik aaqqissuisut ulloq taanna ualip ingerlanissaa pilersaarusiorsimavaat. Tassani ilaatigut aliikkusersuinertaqarlunilu eqqarsalersitsisussanik saqqummiussisoqarumaarpoq.

Nalunaaqutaq 16.30 aallarniutigalugu qitimmik boogie-woogiemik Katuap silataani qitittoqassaaq.

Tamatuma kingorna isumaginninnermut naalakkersuisuullunilu naligiisitaanermut naalakkersuisoq Maliina Abelsen oqalugiassaaq, Naligiissitaanermut Ataatsimiititaliami siulittaasoq Poul Hansen oqallisissiamik saqqummiussissaaq, erinarsorneq nipilersornerlu Arnannguaq R. Olsenimit, Mariane Petersen taallanik atuaassaaq kiisalu ammasumik oqallinneq.

Tamatuma kingorna saniatigut Jørgen Chemnitz angutit inissisimanerat pillugu saqqummiussissaaq.

Taakku saniatigut atuagassiaq Arnanut tuniniaaveqarluni peqataassaaq kiisalu mersortarfik KITTAT suliaminnik takutitsisapput.

- Neriuppugut sulereerluni soraareerneq iluatsillugu Katuamut aggiasoqarluarumaartoq arnallu ulluat malunnartillugu – angutit aamma tikilluaqquagut, kulturikkut illorsuaq tusagassiuutitigut allappoq