Nunat avannarliit killiit ataatsimoorullugu aalisariutaat - takorluukkersaarut?
Nunat avannarliit killiit ataatsimoorullugu aalisariutaat . Taamatut eqqarsarneq immaqalu takorluukkersaarut Savalimmiuni aningaasaqarnermik ilisimasallip Hans Ellefsenip misissorsimavaa nalunaarusiamilu allaaseralugu.
Nalunaarusiaq taaguuteqarpoq ‘Joint fleet - the way towards more effective fisheries in the North Atlantic?’ (Ataatsimoorullugu aalisariutit - Atlantikup avannaani pitsaanerusumik aalisalernissamut aqqut?)
NORA-mi nalunaarusiat nutaat siullersaralugu saqqummerpoq.
Nalunaarusiami eqqarsaatersuutit allaaserineqarput, tassalu Island, SavalimmiutNorgelu aalisakkat imarpimmiittut aalisarnissaannut ataatsimoorussamik aalisariutaateqalerlutik, aalisakkammi taakku nunat NORA-miittut tulaattagaarai pingaarutillit naleqarluartullu. Isumaavoq ataatsimoorussamik aalisariuteqarnikkut aalisariutit pitsaanerusumik atorneqarnissaat. Nunani taakkunani aalisariutaateqarpallaarneq annikillissaaq.
- Taamatulli aallartitsinissaq ajornartorsiutitaqannitsuunngilaq. Allaaserinnittup ilaatigut nalilerpaa tamanna annertunerumik suleqatigiilernermik kinguneqassasoq, allaat maannakkut EU-mik aalisarnikkut suleqatigiinnermiit annertunerusumik. Tamannalu piviusunngortikkuminaassaaq, misileraallunili eqqarsaatersorneq eqqarsartaasitoqqanit allaanerusumik eqqarsarnissatsinnut iluaqutaassaaq, Hans Ellefsen ilaatigut nalunaarusiami allappoq.
Nalunaarusiaq tamaat atuarsinnaavat uani.