Skip to main content

Nunatsinni kikkut tamarmik assigiimmik periarfissaqarput

- Meraaqqerivimmiit meeqqerivimmut ilinniatitaanernullu ingerlaqquttunut inuutissarsiornermullu ataqatigiissumik ilinniartitannermik pilersitsissaagut, naalakkersuisunut ilaasortaq Mimi Karlsen Ilulissani ilinniartitaaneq pillugu ataatsimeersuarnermi oqarpoq.

Ilulissani ilinniartitaaneq pillugu ataatsimeersuarnermi peqataasut nikallunngillat naak ataatsimeersuarneq kingusinaarluni aallartikkaluartoq angallanneq peqqutigalugu.

Ilinniartitaanerup iluani ingerlatsivinnit assigiinngitsunit peqataasut 100 missaniittut inersuarmiipput ataatsimeersuarnissamut tulluartumi Hotel Arcticimi.

Ilinniartitaanermut naalakkersuisoq Mimi Karlsen ataatsimeersuarnermi ammaanermini ilaatigut ima oqarpoq:

- Ataqatigiissumik pilersitsinissaq aamma ilinniartitaanerup iluani ataqatigiissumik pilersitsinerussaaq meeraaqqerivimmiit meeqqerivimmut, meeqqat atuarfianut, inuutissarsiornermik ilinniarfinnut, ilinniartitaanernut ingerlaqqittunut inuutissarsiornermullu - tamakkiisumik sulineruvoq. Tassunga atatillugu isumaginninnikkut eqqummaarinneq akisussaassuseqarnerlu pineqarput, taamaattumik nuannaarutigaara nunatsinni inuutissarsiornerup iluani isumaginninnikkut akisussaaneq annertusiartormat. Ilaatigut tamakku peqqutigalugit ataatsimeersuarnerit maannakkutut ittut ingerlanneqarnerat pingaartuuvoq, taamaalilluta ataatsimoorluta ataqatigiinneq pisariaqartoq pilersillutigu taamaalillutalu nunatsinni inuusuttut periarfissaat tunngavilerlugit nunami maani siunissamik pitsaasumik tamanut pilersitsilluta. Eqqarsaqatigiitta, matut ammarlugit siunissarlu pilersillugu, ilinniartitaanermut naalakkersuisoq Mimi Karlsen kajumissaarivoq.

Tulliulluni oqaaseqarpoq Akileraartarnermut atugarissaarnermullu ataatsimiititaliarsuarmi siulittaasoq Torben Andersen nunatsinni ilinniartitaanikkut ineriartorneq pillugu oqaaseqarluni.

Ataatsimeersuarneq naggaserlugu peqataasut oqallipput, soqutiginnilluarlutik apeqquteqartarlutik ilinniartitaanerup iluani siunissamik pilersitseqataanissartik unnerlugu, tusagassiuutitigut nalunaarummi allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER