Skip to main content

Nuummi snowboardertartut USA-mut

USA-meereerunik Norgeliassapput, taakkunannga pingasut DM-imi peqataassallutik kingorna Nuummut uterlutik GM-imi peqataajartorlutik.

Snowboardertartut pingasut Rasmus Nielsen 19-inik ukiulik, Mikkel MK Olsen 20-nik ukiulik kiisalu Michael Damgaard 23-nik ukiulik marsip 12-ani Californiami 2011-mi Transworld Snowboardingimik pissartanngorniunnermi peqataassapput. Elite Sport Greenlandimit tapiiffigineqarput, timersoqatigiit kattuffianiit Laurits Heilmann nalunaarpoq

Snowboarderertartut februaarip 21-ani Californiami Bear Mountainiliassapput, siullermik sungiusarlutik kingorna Transamimi unammeqataallutik. Snowboardertertartut pingasut tamarmik immikkut nunarsuarmi tamarmi unamminerni angusarissaarput kiisalu nunatsinni unamminerni.

Transam unammineruvoq USA-mi sumiiffinni suni tamani unamminerit arfinillit, ajugaaniutivinnerlu Bear Mountainimi ingerlanneqartarluni. Unammineruvoq tamanut ammasoq, nalunaartut siulliit 100-it peqataasinnaallutik. Unammiffik ataasiuvoq akimmisaarfilersugaq soorlu pissinnernut, railsinut boxenut assigisaanullu.

Unamminermi unammisut tamarmik akunnermik ataatsimi takutitsissapput ataatsikkoorlutik, taannalu aamma Traffic Jamimik taaneqartarpoq, naliliisartullu nalilersuillutik peqataasut ikilisikkiartorlugit. Sinneruttut 20-25 missaaniittut ajugaaniutivinnermut ingerlaqqissapput, tamarmik 45 minutsit atorlugit piginnaasatik takutillugit.

USA-meereerunik Norgeliassapput, taakkunannga pingasut DM-imi peqataassallutik kingorna Nuummut uterlutik GM-imi peqataajartorlutik.

Elite Sport Greenlandimit angutit inuusuttut isumalluarfigineqarput, nunani allani nunatsinnilu angusaasa takunissaat qilanaaralugu, Elite Sport Greenlandimi allaffimmi pisortartaaq Laurits Heilmann oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER