Skip to main content

Narsami kollegia nutaaq

Narsami INUILImi kollegia nutaaq ammarneqarpoq

Tamanna pivoq pingasunngornermi ilaatigut Kulturimut, Ilinniartitaanermut, Ilisimatusarnermut Ilageeqarnermullu Naalakkersuisumit Mimi Karlsenimit perseqisoq peqataaffigineqarluni.

Mimi Karlsen oqaluttuarpoq namminersorlutik oqartussat pingaartikkaat inuusuttut tunngaviusumik pitsaasumik ilinniartitaanissaat, INUILImilu ilinniarsimasut tusaamaneqarluartuunerarlugit. Ilinniarfik nersualaarpaa nammineq iliuuseqarniartarneranik ilaatigullu eqqaallugit ukiut tamaasa pisartut igasut unammisarnerat, Nunatsinni nunattalu avataani ilisimaneqarlualersut.

Aamma eqqaavaa ATIp ingerlatai aggustimi INUILImut nuunneqarpata kollegiartaavata aamma atuarfiup immikkoortortaassaata siunissami kalaallit inuusuttaannik ilinniartitsinissamut aallaavissaqarlualersippaat. Taamaattumik INUILI, inuusuttut aamma Kalaallit Nunaat tamaasa pilluaqquai.

Kommune Kujallermi borgmester Simon Simonsen ilinniarfik pillugu naatsumik oqalugiarpoq, tassani kalaallit nerisassaataasa nerisassiarineqartarnerannut ineriartortinnissaannullu periarfissaqarnissaat pingaaruteqartoq eqqaallugu.

Ilinniartunut inissiap nutaap 32-nik ineqartup ineqarpoq ilinniarfik periarfissagissaarnerulersippaa, maanna katillugu inissat 74-it ilinniarfiup aqutarilerlugit. Illutaa Narsami suliffeqarfinnit sanaartorneqarpoq, illoqarfimmiut sulisartut saniatigut aamma lærlingerpaalunnik sulisoqartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER