Skip to main content

Angerlarsimaffeqanngitsut qassiunersut misissorneqarpoq

Olga P. Berthelsen misissortikkusuppaa nunami maani angerlarsimaffeqanngitsut qanoq amerlatiginersut qanorlu inuuneqarnersut. Naalakkersuisunut ilaasortaq Maliina Abelsen neriorsuivoq marsimi misissuineq aallartinneqassasoq.

Namminersorlutik Oqartussat suliniut Kalaallit Nunaanni Ineqarneq- aamma Angerlarsimaffeqanngitsut. Suliniut Statens Byggeforskningsinstitutip aammaattaaq Isumaginninnermut Naalakkersuisoqarfiup aamma Ineqarnermut, Attaveqarnermut Angallannermullu Naalakkersuisoqarfiup suleqatigiinnerisigut suliarineqarpoq, Nalakkersuisunut ilaasortaq Maliina Abelsen ilisimatitsivoq.

Suliniummi siunertarineqarpoq angerlarsimaffeqanngitsoqarnerup qanoq annertutigineranik aamma qanoq ittuuneranik qulaajaanissaq. Soorlu assersuutigalugu angerlarsimaffeqanngitsuuneq sivikinnerusumik imaluunniit ataavartumik pinersoq aammattaaq aaqqiinissamut iliuusissanik tulleriaarineq, tamatumani qulakkeerneqarluni pineqartut akornanni aammaattaaq tamakku namminneq ineqarnissaminnik kissaateqanngitsut imaluunniit nukissaqanngitsut naleqquttumik inissaqarnissaannik neqeroorfigineqarsinnaaqqullugit.

Suliniut alla "Angerlarsimaffeqanngitsunut inissiat allatut ittut, sanaartornikkut iluarsiinerit" Ineqarnermut, Attaveqarnermut Angallannermullu Naalakkersuisoqarfimmi Statens Byggeforskningsinstitut suleqatigalugu ingerlanneqarpoq. Maannakkut suliniutip qanoq isikkoqarnissaa pigineqarpoq, suliniutillu isumaqatigiissutigivinneqarnissaa marsip naalernerani ingerlanneqassasoq ilisimatitsissutigaa.

Maliina Abelsenip, inatsisartuni ilaasortap Olga P. Berthelsenip IA-meersup apeqqutaataanut, angerlarsimaffeqanngitsut aamma inissaqanngitsut pillugit arlalinnik apeqquteqaateqarsimasumut, akissuteqaataani tamanna erserpoq.

Olga P. Berthelsen ilaatigut paaserusuppaa Naalakkersuisut misissuinissamik aallartitsinissaminnut pilersaaruteqarnersut, tamatumani paasiniarlugu angerlarsimaffeqanngitsut aamma inissaqanngitsut qanoq amerlatiginerat. Ullummikkut nunami maaani angerlasimaffeqanngitsut qanoq amerlatiginersut ilimanngilarput. Kisianni misissuineq taanna Maliina Abelsen tunngavigalugu marsimi aallartinneqassaaq.

Olga P. Berthelsenip aaammattaaq paaserusuppaa, inuit inissianiit anisinneqartut inissaminnik allamik innersuussiffigineqarnatik qanoq ikiorneqartarnersut. Ilimaneqarpa taakku sumut pisarnersut? Eqqarsaatigineqarsimanerluni inuuneq qanoq ittoq ingerlanneqartarnersut, inissaqartoqanngikkaangat? - aperivoq.

Kikkulluunniit anisinneqartanngillat allamik inimik innersuussiffigineqarnatik

Apeqqut akissuteqarfigisinnaajumallugu Naalakkersuisut kommunerujussuit tamaasa attaveqarfigaat. Kommunerujussuit akissuteqarnissamut piffissarititaasup iluani tamakkiisumik akissuteqarsimanngitsut, Maliina Abelsen ilisimatitsivoq.

Kisianni akissuteqaatini kommunit arlaanniit tiguneqarsimasuni erserpoq eqqartuussisarnermi inatsimmi § 633, imm. 3-mi: 'inissiamik attartortumik anisitsiniarneq itigartinneqarsinnaavoq, attartortup imaluunniit attartortutut inoqutigiit tamatuma kingunerisaanik inissaarutissappata aamma pissutsit atuuttut anisitsiniarnermut akerliuppata', allassimasoq.

Tamatuma saniatigut kommunimit tassanngaanneersumit akissuteqaammi erserpoq anisitsisoqartillugu politiinit piumasarineqartartoq ineqartut, anisinneqartut inissaqartinneqartassasut, kiisalu inissiaatileqatigiiffik INI utaqqiisaagallartumik inissanik atugassiisartoq, Maliina Abelsen nassuiaavoq.

Taamatuttaarlu INI nittartakkamini allappoq anisitaasoqartillugu inisimaffissat piareersimatillugit ( minnerpaamik ilaqutariinnut ineeqqat imermik pissarsiffiusinnaasut).

Inissiaatileqatigiiffiup INI-p anisitsisoqartillugu nalinginnaasumik iliuuserisartakkatik uppernarsarpaat, tassaasut anisitsiniarneq aallartitsinnagu isumaginninnermut ingerlatsivik aammattaaq politiit naapeqatigineqaqqaartartut inisimaffissamik piareersimatitsisoqarnissaat siunertaralugu. Inissiaatileqatigiiffiup paasissutissiinerat tunngavigalugu anisinneqartunut inisimaffissat tamatigut anisitsisoqartillugu neqeroorutigineqartartut. Ilaatigut inuit inisimaffissat piumasanngilaa kiisalu nuuttarlutik soorlu ilaquttaminnit imaluunniit ikinngutiminnut, Maliina Abelsen ilisimatitsovoq.

Ilaqutariit 112-it inisimaffinniipput

Taamatuttaaq INImit ilisimatitsissutigineqarpoq illoqarfinni tamani maannakkorpiaq 103-nik inisimaffinniittoqartoq. Nuna tamakkerlugu nunaqarfinni tamani katillugit qulingiluat inisimaffinniipput.

Inissianik attartortitsarneq pillugu Inatsisartut Peqqussutaa tunngavigalu inissiat atorneqanngitsut namminersorlutik oqartussanik imaluunniit kommuninit pigineqartut, inissarsiortunut innersuussutigineqartassapput aalajangersimasumik tulleriaarinikkut, normu 8-mi pineqarlutik inissiat isumaginninnermut tunngasuusut.

Kisianni kommunit iliuuserisartagaat inissiat, isumaginninnermut tunngatillugu immikkoortinneqartartut qanoq amerlatiginerannut tunngatillugu assigiinngitsuupput, kommunillu agguaassinermut tunngaviusut namminneq aalajangersartaraat, Maliina Abelsen paasissutissiivoq.

Inisssiaatileqatigiiffik INImit Naalakkersuisoqarfimmut ilisimatitsissutigineqarpoq, piffissami 01.01.1995-imiit 31.12.2000-imut nuna tamakkerlugu inissiat isumaginninnermut tunngasut 303 tunniunneqarsimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER