Skip to main content

Thule Air Basemi pissanganeq

Umiarsuaq assartuut atortussanik usisoq kinguaattoorpoq timmisartortartunillu akerleriissuteqarneq pivoq sakkutooqarfiup radariata pingaarutilimmik nutarterneqarnissaa ilutigalugu.

USA-mi sakkutuut timmisartortartut naalagaat sapaatit akunnerini kingullerni ernumassuteqarsimapput. Thule Air Basemi Pituffimmiittumi radareqarfiup atortui januaarip qiteqqunnerani nutarterneqartussaasimapput. Tamanna pisussaasimavoq pilersaarusiorluakkamik aaqqissorluakkamillu akunnerni 31-ini ataavartumik ingerlatsinikkut. Tamanna peqatigalugu radarip nutarternerani atorsinnaanera attorneqartussaasimanngilaq. Nutarterneqareeruni Pituffimmi radareqarfiup eqqornerusumik siusinnerusukkullu takusinnaassavaa naalagaaffiit pinerliiniartut qaartartumik USA-mut igeriussippata.

Kalaallit Nunaata pinngortitaata Michael Binzerillu timmisartortartunik akerleriissuteqarnerata pilersaarutit maangaannartingajappaat. Januaarilli 18-ianni Thule Air Base eqqissiallassinnaanngorpoq, taamatut allapput USA-p sakkutuui timmisartortartut quppernerminni nittartakkami.

Teknikkikkut immikkut ilisimasallit suliassap aallartinnissaa angumeralugu Air Greenlandimik Pituffimmut tikipput. Taamatuttaaq nutarterinissamut atortorpaaluit, umiarsuup assartuutip iluliarsuaq pissutigalugu ingerlaqqissinnaajunnaarsimanera pissutigalugu, kinguaattoorsimagaluartut anngupput.

- Allaanngilaq timmisartup timminerani nutarterniarsaralugu, raketsinut illersuummut offical Geoff Lum radarip nutarterneqarnera pillugu oqarpoq.

- Iluaqutissartaavoq naalagaaffeqatigiinnik missilinut illersuutip ungasinnerusumut takunnissinnaalernera, sakkutuut naalagaat Jason Ludvig, Thue Air Basemi nutarterinermut manager-iusoq, erseqqissaavoq.

Iluliarsuit takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER