Skip to main content

Qallunaat tallimaata aliortugaqarnera upperaa

Nipit eqqumiitsut tusartarpigit, aliortukkanillu takusaqartarpit, taava immaqa danskit tallimararterutaasa ilagaatsit aliortukkanik upperinnittut.

Nassuiaatissartaqanngitsunik upperinninneq Danmarkimi nalinginnaaqaaq.

Taamatut takutitsivoq misissuisitsineq, metroXpressip misissuisitsinera YouGov Zaperamit ingerlanneqartoq. Danskit 21 procentii akissuteqarput ilumut aliortugaqarneranik upperinnillutik. Sytteniugaangata ataaseq aliortukkamik takusaqarsimasuuvoq, allat sisamararterutaat inunnik aliortukkamik takunnissimasorisumik nalunngisaqartuusut.

- Inuiaqatigiinni ulluinnarni imaluunniit inuit akornanni upperisaqarneq nalinginnaasorujussuuneranik tamanna annertuumik paasisitsivorlusooq, Syddansk Universitetimi lektor Annika Hvithamar oqarpoq. Danskit 28 procentii aamma isumaqarput toqoreersunik oqaloqateqartoqarsinnaasoq. Aamma danskit tassani takutippaat upperisaqarnertik, Annika Hvithamar isumaqarpoq.

Toqoreersup nalitsinni pisunut sunniuteqarsinnaaneranik upperinninneq upperisani arlalippassuarni nalinginnaasuuvoq. Taamatut uppernarsaavoq Hans Jørgen Lundager Jensen, Aarhus Universitetimi Afdeling for Religionsvidenskab (upperisaqarneq pillugu ilisimatusarnermut immikkoortortaqarfik) professoriusoq:

- Aliortugaqarneranik upperinninneq qangarsuaaniilli inuit takorluugarisartagaanni pisoqaanersaavoq. Oqaatigiuminaatsuuvoq ujaraannarnik sakkoqarallarnerup nalaani inuit qanoq upperisaqarsimanersut. Kisianni ilimanarsinnaavoq tamakkuninnga uagut aliortukkanik taasartakkatsinnut assingusunik upperisaqarsimasinnaanerat. Tassa tamakku inuttut piginnaasallit, atillit, minnerusumik annerusumilluunniit uagutsitupajaaq timillit, metroXpress-imut oqarpoq.

Ilisimatusartut taakku marluk isumaqatigiillutik oqarput aliortukkanik upperinninneq marlunnik siunertaqartoq. Aliikkusersuineruvoq nuannersoq. Aamma inuppassuit toqoreersut sooq taamatut pisoqarsimaneranut tunngatillugu paasinnerusunnerminnut atortarpaat imaluunniit arlaannik pisoqartitsiniarsarinermikkut. Tassuunatigut ujaraannarnik sakkoqarallarnerup nalaani inuit aamma ullumikkut inuusut assigiinngissuteqarpallaanngillat, Hans Jørgen Lundager Jensen isumaqarpoq:

- Arlalippassuartigut qangarsuaq inuusimasut kinguaaraatigut. Timerput pingaaruteqartumik allanngorsimanngilaq. Aamma taamaappoq takorloortariaasigut. Ujaraannarnik sakkoqarallarnerup nalaani inuusoq assigalugu siuligut oqaloqatigerusuttarpagut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER