AWG Alaskami Fairbanksimi 2014-imi

Arctic Winter Games International Commitee-mi (AWGIC) Præsident Gerry Thick ullumi ilisimatitsivoq Alaskami Fairbanksip 23-issaanik martsimi 2014-imi Arctic Winter Gameseqarneq ingerlatissagaa.

Ukiut pingasut qaangiunneranni nunani issittartuneersut timersortartut, sungiusaasut kulturikkullu ilisimaneqartut allat 2.000-it sinneqartut Fairbanksimi katersuutissapput, illoqarfillu tamanna nunanit assigiinngitsuneersunut pisoqarfiulissaaq timersornermik, kulturimik aaqqissuussinernik aamma ataatsimut misigisaqarfiusunik pisoqarfiussalluni, Thick ullumi oqarpoq.

Thickip maluginiarpaa Fairbanks North Star Borough, illoqarfiit Fairbanks aamma North Pole timersornermik unammisitsinermik ingerlatitsisussatut pitsassuarnik neqerooruteqarsimasut. Pilersaarusiornerat aamma aaqqissuussaanerat iluarilluinnarpagut, Thick ullumi oqarpoq.

Arctic Winter Games ukiut marlukkaarlugit ingerlanneqartarpoq, timersornermik aamma kulturikkut nalliuttorsiornertut peqataaffigineqartarluni nunanit makkunannga: Alaska, Greenland, Yamal i Rusland, Lapland Canadamilu nunap immikkortuinit ukuninnga: Yukon, Northern Alberta, Northwest Territories, Nunavut aamma Nunavik Quebec.

Isumaqatigiissut atsiorneqarpoq februarip 23-ani, Gerry Thick ullumi taamak ilisimatitsivoq.

Siullerpaamik AWG 1982-imi ingerlanneqarpoq.

Siullerpaamik ukiuunerani timersornermik aaqqissuussinerit ingerlanneqarput Yellowknifemi 1970-imi.

Ukiuunerani timersornermik aaqqissuussisoqassaaq 2012-imi Whitehorsemi, Yukonimi.

Nuummi AWG-mik 2016-imi aaqqissuussisoqarnissaa Nuup qinnutigaa. Kalaallit Nunaanni Nunavut peqatigalugu 2002-mi ukiuunerani AWG-ertitsisoqarpoq.