Silarluup timmisartuussineq eqqorpaa

Danmarkimut timmisartup aallarnissaa tallimanngonermi unnukkumut kinguartinneqarpoq

Norsaq tallimanngornermi unnukkumut kinguartinneqarpoq. Assiliisoq: Leiff Josefsen

Nunatta kitaata sineriaata ilarujussuani sila ajornera pissutigalugu Air Greenlandip timmisartuussinissani GL782 Kangerlussuarmit Københavnimut tallimanngorneq unnukkumut nal. 23.00 nunatta nalunaaqutaa malillugu aallartussanngorlugu, Københavnimullu tikissaa arfininngornikkut ullaakkut Danmarkip nalunaaqutaa malilugu 07.20, Air Greenland tusagassiuutitigut nalunaarpoq.

Kinguuaattoonermut pissutaavoq tallimanngornerup ullaap tungaani sinerissami illoqarfinni arlalinni sakkortuumik anorlernerata kiisalu isikkivilunnerata Danmarkimut ilaasussanik soorlu Nuummit aamma Ilulissanit Kangerlussuarmut timmisartuussinissamik ajornartitsisimammat.

Air Greenlandimilli neriuutigineqarpoq ualip aamma unnuup ingerlanerani timmisartuusinerit ingerlanneqarnissaat taamaaliornikkut ilaasut Danmarkimut ingerlaqqittussat aaneqarsinnaaniassamata tamatumunngalu ilutigitillugu ilaasut sineriammut ingerlanneqassamata, taakku ullumi siusinnerusukkut Københavnimit Kangerlussuarmut tikittut.

Ullumi Nuummit Paamiunut timmisartornissaagaluaq arfininngornermut kinguartinneqarpoq, silap ajornera pissutigalugu.

Powered by Labrador CMS