Skip to main content

Marlulissat kuisinnissaat

Kunngikkormiut marlulissat apriilip 14-iani kuisissapput, tamanna pissaaq Københavnimi Holmens Kirkemi.

Kunngikkormiut marlulissat qanoq atserneqarnissaannik pissanganeq sisamanngornermi apriilip 14-iani taamaatissaaq. Ulloq taanna Holmens Kirkemi kuisissapput, taamatut ilisimatitsivoq Hofmarskallatet, kunngikkormiut allaffeqarfiat.

-Elvisimik taasarsinnaavarput, kronprins Frederik quiasaaraluni ernini pillugu marlulissat popkunngip, Elvis Presleyp ulloq inunngorfiani januaarip arfineq-pingajuani, inunngormata oqarpoq.

– Kalaallisut aamma atserneqarnissaa mattutinngilarput, kronprins 14. januar Sermitsiaq.AG-mut oqarpoq, marlulissat siullerpaamik tamanut takutinneqarneranni.

Qanoq atserneqarnissaannut atatillugu kronprinsikkut annertunerusumik suli oqaaseqanngillat.

Kronprinsesse Mary marluligami nukappiaraq siulliulluni inunngorpoq. Tamanna pivoq nalunaaqutaq 10.30. Niviarsiaraq marluliaqataa inunngorpoq nalunaaqutaq 10.56. Nukappiaraq anneruvoq 47 centimeterisut angissuseqarluni 2674 gramimillu oqimaassuseqarluni. Niviarsiaraq 46 centimeteriuvoq 2554 gramimillu oqimaassuseqarluni.

- Ernineq ajunngilluinnartumik ingerlavoq, Rigshospitalip ernisarfiani pisortaq Morten Hedegaard oqarpoq.

Sap. akunnerata ataatsip missaa qaangiummat inoorlaat prinsiaqqap prinsessiaqqallu Rigshospitali qimappaat tusagassiortorpassuarnik københavnimiorpassuarnillu inoorlaanik takunnikkusuttunit mobilimillu assiliivianik qanillugit assileerusuttunit malinnaaffigineqarlutik.

Inuppassuaqarnerali marluliaaqqat akornutigerpasinngivippaat, nuersakkanut qaqortunut tippinut nermullugit arnami aamma angummi pakkumiaraatsik eqqissilluinnarlutik sinipput.

Mary attortisimarpasippoq nammineq oqaluttuariniaramiuk pingajussaanik sisamassaanillu anaananngorneq qanoq innersoq.

- Misigisaq tupinnarluni nuanneqaaq pakkumiarsinnaalerakkit. Ernineq ingerlalluartorujussuuvoq, Mary oqaluttuarpoq ernini pakkumiaatigalugu.

Kronprinsessip aamma oqaluttuaraa nammineq uimilu maannakkut malugisinnaalereeraat marlulissat isikkumikkut pissutsimikkullu assigiinngissusaat. Niviarsiaraq eqqissisimaneruvoq, marluliaqatiminillu nukappiaqqamit nuannarineqarluarpoq:

- Najaaqqani asavaa. Sinitsillutik maluginiartartorujussuuaaa, kronprinsesse oqaluttuartoq kronprinsimit ilassuserneqarpoq nukappiaraq Elvis Presleytut tullimigut nujaqarnerarlugu taamaattumillu ulloq inunngorfia kisiat pinnagu aamma rockkunngi allatigut assigigaa.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER