Ilinniartut Norgemut sisorariartut
Galtrup Musik- og Idrætsefterskolimi kalaallit ilinniartut Norgemut sisorariarsimapput. Asserpassuit takukkit
Hans Daniel Poulsen Nuummeersoq, Ivik Damgaard Kaspersen Sisimiuneersoq, Henrik Kim Fleischer Uummannameersoq aammalu Ado Løvstrøm, Villa S. Jeremiassen aamma Rita Raara Falck-Petersen Qasigiannguaneersut Danmarkimi Galtrup Musik- og Idrætsefterskolimi atuarput.
Taakkua Galtrup musik og idrætsefterskolimi atuartut allat peqatigalugit Norgemi Beitostölen-imut januaarimi sapaatip akunnera ataaseq sisorariarsimapput.
Sisorariarnermi peqataapput aatsaat sisorartalersut sungiussisimasullu, pisarnertullu iluatsilluarsimavoq. Tamarmik sisoqqapput sapaatillu akunnerani nuannisaqalutik.
Atuartut illuaqqani 6-10-ullutik ilinniartitsisorlu najugaqatigiipput. Nukappiaqqat immikkut niviarsiaqqallu immikkut. Atuartut namminneq nerisassiortarput sapaatilu akunnerani ilaatigut pasta aamma kødsovs-imik Hans Danielip Henriullu sanaavinik neripput, Ivik aamma Ado frikadelliliorput aammalu Rita kaagiliorsimavoq Villalu boorluliorsimalluni.
Hans Daniel Skifte marsimi Norgeliaqqissaaq NS-84 sinnerlugu sangusaarluni DM-ernermi peqataajartorluni. Kalaallit Nunaanni sisoqqarinnerit ilagigaluarlugit isumaqarpoq efsterkolimi atuaqatig Beltostölenimut sisorariaqatigalugit nuannersimaqisoq, ilinniartitsisoq Mette Schnell paasissutissiivoq.
Unnukkut ataatsimooqatigiittarput erinarsorlutik ullullu qaangiuttut pillugit oqaluttuanik nuannersunik oqaluttuaqattaallutik.
"Sianiilliortup nasaa" tunniunneqartussaasimavoq ajugaasullu nasaq quianartoq aqaguani atortussaavaa. Marta nasannappoq. tassa illuaqqamut saniliminniittumut isersimagami nerisassiulerlunilu.