Skip to main content

Suleqatigiinneq

Naalakkersuisut Siulittaasuata, Nuummi Hans Egedep Illuani ukiortaami ilasseqatigiinnermi, oqalugiarnermini suleqatigiinnissaq siunniuppaa

Naalakkersuisut Siulittaasuata Kuupik Kleistip ukiortaami kissaatiga suliffeqarfiit amerlanerusut inuiaqatigiinni inuit atugarisaannut tunngatillugu akisussaaqataanermut peqataanerulernissaat. Taamatut oqarpoq sisamanngorma Hans Egedep Illuani ukiortaami ilasseqatigiinnermi ukioq manna siulliusumi, taamaalillunilu takutippa ukiup ingerlanera CSR tunngavigalugu ukiup ingerlanerani sulisimaneq maluginiarsimagini.

- Uagut nuannaarutigaarput Nunatsinni suliffeqarfiit inuit atugarissaannut peqataanertik tamanut saqqummiussimammassuk. Unga ukiortaami kissaatigaara suliffeqarfiit amerlanerusut inuiaqatigiinni inuit inuuniarnerminni atugarisaannut akisussaaqataanermut peqataanerulernissaat.

Ukiortaami oqalugiarnerminit uteqqippaa suliffeqarfinnik ingerlatsisut suliffissanik amerlanerusunik pilersitseqataanissaat pingaaruteqartoq, kiisalu suliffeqarfiit inuusuttut ilinniagaqarnerminni sulillutik sungiusarfissaannik pisariaqartunik qulakkerinneqataanissaat pingaaruteqartoq.

Ukiortaami oqalugiarnermini Naalakkersuisut Siulittaasuata sioorasaarutigaa suliffeqarfinnik ingerlatsisut ilinniartuunerminni sungiusarfissaannik naammattunik pilersitsinissaq nammineq qulakkeersinnaanngippassuk, taava pisariaqalersinnaasoq tamatumunnga inatsisiliortoqarnissaa. - Kisianni taamaaliorusunnanngilaq, Kuupik Kleist oqarpoq.

Oqalugiarnermini inuussutissarsiutinik ingerlatsisunik suleqatigiinninnerulernissaq aamma politikkikkut kajumissaarutigaa. -Soorunami suliassarpassuit naammassiniarlugit suleqatigiittariaqarpugut. Soorunami allorarsaaqatigiittariaqarpugut kiisalu akerleriinnivut minnerutittariaqarpavut, oqarpoq politikkikkut sakkortuumik oqalinneq innersuussutigalugu, tamanna Inatsisartut ataatsimiinneranni ingammik malunnarpoq.

Kuupik Kleistip Akileraarneq atugarissaarnerlu pillugit Isumalioqatigiissitaq issuarpaa, isumalioqatigiissitap paasisimavaa pissutsini atuuttuni uninngaannarneq periarfissiinngitsoq.

– Pissutsit pitsangorsarniarlugit aaamma allanngortitsisoqarnissaa pillugit aalajangiinissaq pisariaqarpoq. Ukioq 2011-mi pitsaasunik pitsaanngitsunillu aalajangiisariaqartassaagut, aalajangiinerit nuannarineqartut aamma aalajangiinerit nuannarineqanngitsut, kisianni tamakku pisariaqarput aqqissuussinerit siunertaqarluanngitsut allanngortissagutsigit.

– Ukioq 2010 aningaasaqarnikkut aamma inuussutissarsiutinik ingerlatsinermi ineriartortitsinissanik nutaanik ammaassivoq. Inuaqatigiit uagut peqataaffigisavut pitsanngorsarnissaanut periarfissarsivugut nutaanik. Kisianni periarfissat nutaat nammineq ornigunnavianngillat. Tamakku pissappata iliuuseqaqqaartariaqarpugut aamma suleqatigiittariaqarpugut immitsinnut akerlilersuinnarata.

– Ukioq 2010 aammattaaq ukioq taannaavoq nutaanik unammillernartunik naammattoorsiffigisarput. Ukioq amerlasuunut assut ulapiffiusimavoq atorsarnarlunilu, uangalu ilissinut neriorsuutiginianngilara 2011-p atorsarnannginnerunissaa.

– Naalakkersuisuni pilersaarutigaarput 2011 ukioq tassaassasoq, isumassarsiat aamma isummat 2009-mi qineqqussaarnitsinni saqqummiussatta piviusunngortinneqarnissaat. Maanna tikillugu ilisimasanik katersuisimavugut, misissueqqissaarsimavugut aamma nalunaarsiortarsimavugut. Maannakkut oqimaatsunik aalajangiinissatsinnut tunngavissaqalerpugut, tamakkumi pisariaqarput inuiaqatigiinni pissutsinik pitsanngorsaassagutta, Kuupik Kleist oqarpoq.

Naalakkersuisuunermi matumani aappassaanik ukiortaami ilasseqatigiisitsivoq: – Tamanna maannakkut ileqqunngorpoq immitsinnut naapittarpugut ukiortaamilu pilluaqqoqatigiilluta, oqarpoq.

Ukioq manna Naalakkersuisut ilasseqatigiinneq marlunngorlugu avissimavaat, ataatsikkut tamanut Hans Egedep Illuani inissaqartitsisoqanngimmat. Ullumi sisamanngornermi inuussutissarsiutinik ingerlatsisut, kattuffiit aamma inuiiaqatigiinni sullissisut qaaqquneqarput. Aqagu tallimanngornermi politikkeriunerusut aamma atorfillit ilasseqatigineqassapput.

Siusinnerusukkut Naalakkersuisut Københavnimi ilasseqatigiisitsisarput. Maannakkut Nunatsinni ingerlanneqaqqaarpoq sapaatit akunnerani tullermi Københavnimi ilasseqatigiittoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER