Skip to main content

Sisorartartut marluk VM-imut

Danmarks Skiforbundip U-23-it VM-ernissaannut Niviaq C. Berthelsen (NUP) Inuusuttullu VM-ernissaannut Karl-Peter Kristensen (ASP) peqataasussatut toqqarpai.

– Ukiut marluk tulleriisiinnarlugit inuusuttunik nammisartunik VM-imi peqataatitsissaagut tamannalu ilorraap tungaanut alloriarneruvoq annertooq, Kalaallit Nunaanni sisoraatinik oqilaniuttartunut ataatsimiititaliami siulittaasoq Ole Lynge Hansen oqarpoq, tallimanngormat tamanut saqqummiunneqareersorlu Niviaq C. Berthelsen U-23-it VM-ernissaannut aamma Karl-Peter Kristensen inuusuttut VM-ernissaannut, Estlandimi Ogtepää-mi ingerlanneqartussani, Danmarks Skiforbundimit pisortatigoortumik peqataasussatut toqqarneqartut.

Unamminerit Otepää-mi ingerlanneqassapput januaarip 26-ianniit 31-iannut, Ole Lynge Hansen paasissutissiivoq.

Niviaq C. Berthelsen, 21-iinnarnik ukiulik, aamma inersimasut Oslo-mi VM-ernissaannut periarfissarissaarpoq. Tassani peqataanissaminut anngunnissamut piumasaqaat kingulleq amigaatigaa. Ulrich Ghislerilli Danmarks Skiforbundimeersup neriuutigaa tamanna iluatsissagaa.

– 120 punktit ataallugit angasaqaqqinnissaa atorfissaqartippara Niviap pisortatigoortumik toqqarneqarnissaanut, Oslo-mili VM-ernissami peqataanissaa naatsorsuutigilluinnarparput. Neriuppugut piffissami kingullemri unamminerni peqataasarsimassasoq, Ulrich Ghisler sisoraatinik oqilaniuttartunut ataatsimiititaliap siulittaasuanut mail-imi allappoq.

Ole Lynge Hansenip neriuutigaa nunatsinni sisoraatinik timersuutit soqutigineqarnerat aallunneqarnerallu attatiinnarneqassasoq aputeqanngikkaluartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER