Sermimik qillerilluni ilisimatusarnermik maligassiuisoq toquvoq

Professor Willi Dansgaard, sermimik qillerilluni ilisimatusarnermik nunani tamalaani tusaamaneqartoq 88-inik ukioqarluni toquvoq

Willi Dansgaard. Ass.: Nature.com
Willi Dansgaardip sermersuarmik qillerinerit aallartippaiæ Ass.: Ing.dk
Willi Dansgaard. Ass.: Nature.com Willi Dansgaardip sermersuarmik qillerinerit aallartippaiæ Ass.: Ing.dk Willi Dansgaard. Ass.: Nature.com Willi Dansgaardip sermersuarmik qillerinerit aallartippaiæ Ass.: Ing.dk Willi Dansgaard. Ass.: Nature.com Willi Dansgaardip sermersuarmik qillerinerit aallartippaiæ Ass.: Ing.dk

Itsaq silap pissusia qanoq ittuusimava? Apeqqut tamanna professor dr. phil. Willi Dansgaardip inuunermi ilarujussua akissutissarsiorsimavaa. Qallunaaq professori angusaminik tusaamasaq arfininngormat 88-inik ukioqarluni toquvoq.

Willi Dansgaard ilisimatusaqataalu nunarsuarmi tusaamasaalerput Kujataani, Qeqqani Avannaanilu kiisalu Sikuiuitsumi Kujallermi sermersuarmit qillerinermit itsaq silap pissusianik misissuinerminnit.

Tunngaviusumik isumassarsiaq, tassa sermimit qillikkanik misissuinikkut itsaq silap pissusia paasiniarneqarsinnaasoq Willi Dansgaardip 1950-ikkunni isumassarsiaraaa.

1952-imi Willi Dansgaardip paasivaa sialuup ilt-isotopinik oqimaatsunik akoqassusia taamanikkut siallernerup nalaani silap kissassusianut/nillissisusianut attuumassuteqartoq.

Willi Dansgaardip ilisimatusarneratigut paasineqarpoq ataqatigiinneq tamanna itsap silap pissusianik paasissutissiisinnaasoq.

1952-imiit Dansgaard Københavns Universiterimi massespektrometri-mi ilisimatuunngorpoq. Taassuma 1950-ikkunni 1960-ikkunnilu ilisimatusarneri erngup kaaviiaarneranik misissuinermut aqqutissiuisuupput.

Sulinini naggataarpaa europamiut suliniutaannik Greenland Ice Core Projectimik (GRIP), 1989-imiit 1992-imut, taamanikkut Sermersuup qaavani qullasinnerpaami Summit-imi, sermersuarmik qillerilluni.

Sermimit qilligaq 3029 meterinik takissusilik ukiut kingulliit 250.000-t silap pissusiata allanngorarneranik takutitsivoq, uppernarsineqarporlu silap pissusia arlaleriarluni siusinnerusumit ilimagisamit sukkanerusumik sualunnerusumillu allanngortarsimasoq.

Dansgaard suliaminut arlalissuarnik nersornaatisisarsimavoq. Aamma nunani tamalaani geofysikimi nersornaatit nuimanersaannik, Crafoordprisen-imik, 1995-imi nersornaaserneqarpoq. Taassuminnga nersornaatiseqatigaa tuluk ilisimatooq N.J. Schacketon - issittumi ilisimatusartup ilisimaneqartup Ernest Schackletonip kinguaava.

/ritzau/

Powered by Labrador CMS