Skip to main content

Aviisi: Kiinarpaat nakkaapput

Danskit naalakkersuisuisa marloqiusamik iliornera Wikileaksimit qulaarneqarpoq, Politiken ataasinngornermi pingaarnertut allaaserisisamini allappoq.

...Poltikenip qulaajaanerisa malunnarsisippaat taamanikkut nunanut allanut ministeriusimasoq Per Stig Møller amerikamiut isertortumik tigusani assartuisarnerat pillugu danskit aamma kalaallit mittarfiinik atuisarsimanermut tunngatillugu marloqiusamik iliorsimasoq.

Maanna kiinarpaat nakkaapput tippi nusunneqarpoq quaattoqarporlu. Tamatumani qujanartuupput amerikamiut Københavnimi aallartitaqarfiannit nalunaarutigineqartarsimasut Wiki-leaksimit pissarsiarineqarsimasut, taakulu Politikenip norgimiut aviisiat Aftenposten aqqutigalugu pissarsiarisimavai, tassa danskit naalakkersuisuisa marloqiusamik iliorsimanerat qulaarneqarpoq.

Pisup takutippaa danskit politikkiannut tunngatillugu pappiaqqat Wiki-Leaksimeersut qanoq pingaaruteqartigisut. Periarfissaq tamanna immikkut illuinnartuuvoq danskit naalakkersuisuisa 'ajortumeeriniartunut sorsunnerminni' iliuuserisartagaat qanimut misissorneqarnissaannut, tassami naalakkersuisut Folketingimi misissuinissamik piumasaqaataaasut tamaasa VKO-mi amerlanerussuteqarnertik iluaqutigalugu apeqqutit tamaasa itigartiinnarsinnaasarsimavaat.

Pisut sakkutuup isertukkanik saqqummiussisimaneqarnerarneqarneraniit danskit sakkutuuisa tigusarisimasaminnik naalliutsitassanngorlugit tunniussisimaneragaanerannut tamakku tamarmik takoqqusaajunnaartinneqarput imaluunniit natersuup ataanut sanigunneqarlutik. Nunani kikkut tamat oqartussaaqataafigisaanni allanissaaq George W-mit malinnaasimasuni tamani taamaappoq.

Buship Irakimut sorsunnerani peqataanermut tunngavilersuutigineqarsimasut misissorluarneqareerput.

Danmarkimi tamanut ammasumik misissuisoqarnissaa naalakkersuisut itigartippaat.

Wiki-leaksimit paasissutissat TUNNGAVIGALUGIT Politikenip ulluni aggersuni tugassiortutut misissuiffiginiarpai, naalakkersuisut nunanut allanut politikkeqarnermut tunngatilugu amerlanerusoriarluni marloqiusamik iliuuseqarsimanersoq, kiisalu paasissutissat saqqummersikkumaagaat tunngavigalugit apeqqutinik isornartorsiuisunik apeqquteqartarumaarpugut.

Naalakkersiusut apeqqutigisatik akitikkusussimanngilaat. Innutaasulli akerlianik tamanna tunngavissaqarluartumik piumasaraat...

Una allaaserisaq Politikenip ataasinngormat pingaarnertut allaaserisaanit tigulaarineruvoq, allaaserisamik ilaatigut tunngavigineqarput sermitsiaq.ag-imi sapaatiummat allaaserisaasimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER