Skip to main content

ISS siullersaalluni biilimik innaallagiatortumik atuilerpoql

ISS Grønlandip nunatsinni biilit innaallagiatortut mingutsitsinngitsut aningaasarsiorluni ingerlatsinermi atulerpai

Qamutit assakaasullit benzinatortut dieselitortullu mingutsinngitsunik erngup nukinganit innaallagiatortunik taarsersulernissaannik sinnattut sivisuumik sinnattuusimavoq Nuummi ISS-imut piviusunngortoq, taassuma januaarip 11-ianni nunatsinni biilit innaallagiatortut siulliit ingerlatsinermi atulermagit.

- ISS-p suliniut 2009-miilli ingerlassimavaa, anguniagarlu qanillivoq 2010-mi Nukissiorfiit suleqatigileratsigit biilit innaallagissiortut marluk "Think"-imik meqqillit Nuummi misilerarnissaannut. ISS iluarsaavimmik, mekanikerinik sullissinermillu atugassiivoq biilillu innaallagiatortut marluk misiligarneqarneranni peqataalluni, ISS Grønlandimi pisortaaneq Jesper Hansen oqaluttuarpoq.

Misiliinerit takutippaat biilit Think Nuup aqqusernginut naleqqulluinnartut naatsumik biilerfippassualimmut, sukkaktseqattaartarnermut unikaallaqattaartarnermullu.

- Tamatumunnga atatillugu torrallataalluinnartoq tassaavoq motoori atorlugu biili bremseraanni innaallagiaq batteriinut utertarmat. Nalornissutiginerpaasarput tassaasimavoq batterit atasinnaassusiat nillertumilu qanoq sivisutigisumik pilersiuisinnaassusiat, tamatumanili pitsaasumik tupaallatsinneqarpugut, ISS-imi iluarsaavimmi pisortaq suliniummullu akisussaasoq Tom Amtoft oqarpoq.

Biilip orsersornissaa eqqaamaannaraanni ulloq naallugu atorneqarsinnaavoq - aamma nilleraluarpat.

Aallaqqaamut ISS-p atuisartunut siunnersuisuata inspektøriisalu biilit innaallagissat atussavaat atuisartunut ornigukkaangamik.

Nukissiorfinnik misileraaqatigiinnerup saniatigut biilit innaallagiatortut eqqunneranni motoorimullu akitsuuteqartinneqannginnissaannik Inatsisartut aalajangiinerat biilit innaallagiatortut aningaasarsiornermi atulernissaannik sinnattu piviusunngortinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER