Jyllandip avannaa inuusuttunik ilinniagaqartitserusuppoq
Umiarsuaq jyllandip avannaani ilinniagaqarfissanik neqeroorutilik ukiaru nunatta kitaata sineriaani illoqarfiit anginerit tikeraassavai
Annonse
Umiarsuaq ilinniagaqarfinnut assigiinngitsunut 85-inut inissaqarpoq, siunertaavorlu kalaallit inuusuttut pingaartumik jyllandip avannaani ilinniagaqarnissamik pileritilernissaat, dr.dk allappoq.
Tamatumninnga isumassarsisuuvoq Aalborgimi kalaallit illuutaata pisortaa Jan Thrysøe.
- Jyllandip avannaa kalaallinut inuusuttunut ilinniagaqarfissatut eqqortutut nittarsaakkusupparput, kalaallini inuiaqatigiinni nutaaliaasuni sulisussanut, Jan Thrysøe oqarpoq, taannalu suliniummut aningaasanik ujaasivoq aningaasaateqarfinnit jyllandillu avannaani kommuninit.
Isumassarsiaq ilinniagaqartitsivinnut arlalinnut saqqummiunneqarsimavoq nuannarineqarsimallunilu.