Skip to main content

Canadamut attaveqaqqilerpoq

Immap naqqatigut kabelip iluarsaanneqarnera iluatasippoq Canadamullu attaveqarneq pilersinneqaqqippoq.

TELE-p paasissutissiissutigaa immap naqqatigut kabelip iluarsaanneqarnera iluatsittoq, Canadamullu attaveqarneq pingasunngornermi januaarip 12-ianni nal. 11.20 pilerseqqinneqartoq.

Canadamut attaveerukkaluarneq nunap iluani kiisalu Kalaallit Nunaata avatittalu akornanni attaveqarneq sunniuteqanngilaq, tassa attaveqarneq tamarmi Island aqqusaarlugu immap naqqatigut kabelikkut ingerlanneqarmat. Iluarsaassinerli pingaaruteqarsimavoq, tassa sapaatip akunnerini kingullerni Kalaallit Nunaat avammut taamaallaat attaveqartarsimammat immap naqqatigut kabeli Islandikkoortoq aqqutigalugu.

- Nuannaarutigeqaara Canadamut immap naqqatigut kabelip maanna iluarsineqarsimanera marloqiusamillu attaveqaqqilernerput, Kalaallit Nunaata qarasaasiakkut avammut attaveqarneranik qulakkiisoq. Tamannami ullumikkut qitiullunnarpoq inuiaqatigiit ingerlasinnaanerannut, Telemi teknikkikkut pisortaq Jørn Jespersen oqarpoq.

Immap naqqatigut kabelip iluarsaanneqarnera sapaammili januaarip 9-anni ulluunerani ingerlanneqartarsimavoq. Tamatumani angallatip Mariner Sea-p Canadameersup Greenland Mining Service-mit aqqartartunik ikiorteqarluni kabeli Mariner Sea-mut qaqippaat. Tamaani sarfarnerujussua pissutigalugu kabeli aatsaat ataasinngornikkut Mariner Sea-mut qaqinneqarpoq.

Mariner Seami inuttat TELE-mi ingerlatsinermut sulisut peqatigalugit ulloq unnuarlu sulipput iluarsaassineq sukkanerpaamik ingerlanniarlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER