Inuussutissarsiornermik ilinniarfiit marluk kattuttut
Sanaartornermik Ilinniarfik aamma Saviminilerinermik Ilinniarfik kattupput Jokum Møller forstanderiussalluni
Sanaartornermik Ilinniarfik aamma Saviminilerinermik Ilinniarfik ilinniarfittut ataatsitut 1. januar 2011 aallarnerfigalugu kattupput, illoqarfinnut marlunnut immikkoorlutik, ataatsimoorussamilli allaffissorlutik, Jokum Møller forstanderiussalluni.
Ilinniarfiit marluk suliaqarfitsigut assigiissuteqartorujussupput, taamaammat kattunnermi siunertaavoq, ilinniarfiit akornanni ineriartortitseqqinneq suleqatigiinnerlu siuarsarnissaat, ataatsimoortumik allaffissorfeqarlutik ataatsimik forstanderilerlutik, namminersorlutik oqartussanit tusagassiuutitigut nalunaarummi allassimavoq.
Tamannarpiaq peqqutigalugu 1. januar Pisortat suliffeqarfiutaat imminut Aquttumut ikaarsaariarnermi aalajangerneqarpoq ataatsimoorussamik siulersuisoqassasoq.