Skip to main content

Mellembølge aamma kortbølge matussapput

Ulloq 11. februar 2011, nal. 8 (kitaata nalunaaqutaa) kitaani mellembølgikkut aallakaatitsissut aamma Tasiilami kortbølgikkut aallakaatitsissut matussapput. Taamaammat KNR Radio mellembølgikkut kiisalu Tasiilami kortbølgikkut nassiussissutit aqqutigalugit aallakaatitsisarunnaassaaq, Ineqarnermut, Attaveqarnermut Angallannermullu Naalakkersuisoqarfik nalunaarpoq.

Ullumikkut sineriaat sinerlugit FM-ikkut pitsaalluartunik aallakaatitsissuteqarpoq, illoqarfinnik nunaqarfinnillu kiisalu najugaqarfiit qanittuini imarsiornermik isumaginnittunik. Taamaammat radiop mellembølgikkoortup matuneqarnera innuttaasunut amerlanernut sunniuteqassanngilaq, KNR Radio FM-ikkut aallakaatitsissutikkut tusaaneqarsinnaammat, Ineqarnermut, Attaveqarnermut Angallannermullu Naalakkersuisoqarfik tusagassiuutitigut nalunaarpoq.

Savaateqarfiilli arlaqanngitsut kalluarneqassapput. Taamaamat TELE Greenland A/S aaqqiissutissamik suliaqarsimavoq. Aaqqiissut tassaavoq savaateqarfiit kalluarneqartut VSAT-ikkut attaveqarfiisa nutarternerat, taamaalilluni qarasaasiakkut suleriaatsit qaammataasiakkut toqqaannartumik tigooraasinnaallutik, ilaallutik KNR Radio kiisalu DR P1, P2 aamma P3. Savaatillilli namminneerlutik tigooqqaassummik pissarsissapput.

Malugissallugu pingaaruteqarpoq, mellembølgikkut radiop atorunnaarsinnerani sinerissami radiop mellembølgikkut sullissinera taamaatissanngippat. Taamaalilluni umiarsuit sinerissami radio suli attaveqarfigisinnaassavaat.

Silassamik ilimasaarutit eqqarsaatigalugit juni 2010-mili sinerissami radiop VHF-ikkut aqqutai atorlugit nassiunneqartarput ullormut sisamariartumik; nal. 08.05, 1.05, 18.05 aamma 22.05. Nal. 12.05 aamma 22.05 aallakaatitat aallakaateqqitaassapput. Inuit asimi angalaartut silassamik ilimasaarut ukioq kaajallallugu tusarnaarsinnaavaat.

Mellembølgikkut radiop matunissaanik aalajangerneq isumannaallisaanikkut kinguneqassanngilaq, tusagassiuutitigut nalunaarummi allassimavoq.

Mellembølgikkut aallakaatitsissutit Tasiilamilu kortbølgikkut aallakaatitsissut 1980'ikkut missaanneersuupput, aserfallakkaluttuinnarmatalu aserfallatsaaliornissaat akisuallaassalluni. TELE Greenland A/S missingiivoq, mellembølgikkut aallakaatitsissutit Tasiilamilu kortbølgikkut aalakaatitsissutip aserfallatsaalineqarneri ukiumut 1,5 mio. kr-nik akeqassasut, naalakkersuisoqarfik nalunaarpoq.

Inuit ikittuinnannguit FM-ikkut aallakaatitsissut aqqutigalugu KNR Radiio tusarsinnaassanngimmassuk. aalajangiinerlu isumannaallisaanikkut kinguneqartussaanngimmat Ineqarnermut, Attaveqarnermut Angallannermullu Naalakkersuisoqarfik naliliivoq, aningaasat sulisullu atortunik aserfallatsaaliinernut atortussaagaluit siunertanut allanut pitsaanerusumik atorneqarsinnaasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER