Skip to main content

Inatsit amigaateqarpoq

IA'mit Naaja Nathanielsenip Kalaallit Nunaata imartaani imarsiornermi uulia oqimaatsoq orsussatut atornerani avatangiisitigut piumasaqaateqarnissaaq Naalakersuisunut piumasaraa

Naaja Nathanielsen, IA sinnerlugu Inatsisartunut ilaasortq, umiarsuarsuit nunatta imartaanni angalaneranni CO2-mik aniatitsisarnerat avoqqaaraa. Kyoto-mi isumaqatigiissut malillugu Kalaallit Nunaata CO2-mik aniatitsinini appartissallugu pisussaaffeqarpoq, inatsisilli maannakkutut ikkallartillugit, umiarsuarsuarnit mingutsitsinerit sammisani tamani aningaasaqarnikkut ilapittuuteqarnissamut siunniussanut tulluutinngilaq. IA-meersullu kissaatigaa silaannarmik uninngasumik aniatitsinerup appartinnissaanut aningaasartuuteqarnikkut killiffiup nalilersornissaa.

- Ataatsimiititaliami Polaroil a/s-imut pulaarnermi ilisimatitsissutigineqarpoq umiarsut angisuut amerliartuinnartut ukiuni kingullerni uuliamut oqimaatsumut nuukkiartuinnarsimasut, Naaja Nathanielsen Naalakkersuisunut apeqquteqarnermini allappoq, nangillunilu>:

- Uuliamik oqimaatsumik aniatitsineq orsussanut allanut naleqqiulluni CO2-mik aniatitsineruvoq, imartanilu pinngortitami aarriinnerusumik peerukkiartortarluni, pingaartumik issittuni. Taamaammat uulia oqimaatsoq mingutsitsinerusutut isigineqarpoq. Ullumikkut inatsisini ikummatissanik orsussat pillugit avatangiisitigut naleqqussaanissamik piumasqaateqarfiupput, atuineq imaluunniit toqqorsimatitsineq nunami pippat. Atuinerli imaluunniit toqqorsimatitsineq imartani pippat naleqqussaanissamut inatsisitigut pisinnaatitsissuteqanngilaq. Nunattali imartaani angalaneq eqqarsaatigalugu avatangiisitigut piumasaqaatit sukaternissaat Kalaallit Nunaata aalajangiussinnaavaa. Taamaaliornikkut assersuutigalugu uulia oqimaatsoq angallatini orsussatut atorneqartillugu naleqqussarneqarsinnaavoq, Naaja Nathanielsen allappoq, naqitarlu "Silaannarmit uninngasumit aniatitsinerup appartinnissaanut sunniutissat pillugit nassuiaat 2008-2012" innersuussutigalugu.

Tassani allassimavoq aalisarnermik assartuinermillu sammisaqartut orsussamik atuinerpaat ilagigaat (assartuutit, ilisimatuussutsikkut umiarsuit aamma umiarsuit takornariartaatit).

2009-p ukiaani ataatsimiinnermi Ineqarnermut, Attaveqarnermut Angallannermullu Naalakkersuisoq Jens B. Frederiksen ilisimatitsivoq, sammisaqarfiit nassuiaammi taaneqartut aningaasartuutitigut nalilersornissaannik suliarinninnissaq naalakkersuisut suliniutiginiaraat. Taamaalereerpat ataatsimiititaliat susassaqartut naalakkersuisut peqataatissagaat, sunniutissat assigiinngitsut piviusunngortinnissaannut periarfissat kingunerisassallu pillugit oqallitsinniarlugit.

- Nunat tamat Kyoto-mi isumaqatigiit aamma Copenhagen Accord malillugit pisussaaffiit Kalaallit Nunaata eqquutsissagunigit CO2-mik aniatiitsinerput appartittariaqarparput. Anguniakkat isumaqataaffiusimasut tamakku eqquutsinniarlugit nunatsinni sammisaqarfiit tamarmik peqataanissaat pingaaruteqarpoq. CO2-mik appartitsiniarneq aningaasartuutinik nassataqakkajuppoq, teknologiimik nutaamik aningaasaliisoqakkajummat Taamaammat tulluarpoq nassuiassallugu, sammisaqarfiit ataasiakkaat qasnoq aningaasartuuteqassanersut, appartitsinissatsinnik anguniakkanut peqataassagunik. Akileraartarnermut akitsuusiinermullu nutarterilerpugut, piujuartussamillu ineriartortitsinissamut tapersiinissamut periarfissaqassalluta. Tamanna pisinnaavoq avatangiisinut akitsuutitigut, aammali piujuartussamik ineriartyornerup siuarsarnissaanut tapiisoqarsinnaalluni imaluunniit akitsuutinik akiliinngitsoortitsineqarsinnaalluni, Naaja Nathanielsen apeqqumminut tunngavilersuutitut allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER