"Unnuakkut pisuttuarneq "kalerrisaarisitsivoq"
Quassussuarmi qaammartartut toqqissisimanartinnagit innuttaasut politiinut siarngupput
Angutit pingasut, tallimanngormat unnukkut qaarmartartulerlutik qaqqami pisuttuartut politiinut sianeqattaartitsipput. Tamatuma saniatigut Quassussuarmi qummoroortartumik qummoroortitsisoqarmat inuit isumaqarsimapput ajunaalernermi kalerrisaarutaasoq.
Tallimanngormat nal. 21.00 politiit nalunaarfigineqarput Ukkusissani ajunaalernermi kalerrisaarisoqannguatsisartoq, qaqqamit qaamanernik takunnittoqarmat.
Politiit biilimik angalaartut kinguninngua paasivaat inunnik qaqqami qullasissumiitoqannguatsiartoq.
Politiit naliliipput imaasinnaasoq inunnik ajornartorsiortoqartoq. Taamaattumik qatserisartut qaaqquneqarput inuillu tallimat, qaqqani inunnik annaassiniarnermik pikkorissarsimasut, piareersaqqullugit qinnuigineqarput.
Qatserisartulli qaqqap sinaanit, tungujortunik naaralaartitsivigineqartumit, aallannginbneranni qaqqamiittut ilaat sianerpoq aperalunilu qanoq pisoqarnersoq. Tamanna peqatigalugu oqarpoq ajornartorsioratik.
Pisimasumut atatillugu politiit inassutigaat unnuakkut qaqqami qaamanilersornissaq mianersuuttariaqartoq, immaqalu unnukkut taartumi qaqqalialinnginnermi politiit nalunaarfigisarlugit.