USA - qallunnaat qineqqusaarnerani oqallorissaanermut ilanngunneqarpoq

Saamerliunerusut naalakkersuisunngorunik misissuinissamut piumasaqaateqarnerat USA-mut pissutsit sanngiillisissavaat, danskit naalakkersuisui isumaqarput. »Tissinaannarpoq,« S-SF isumaqarput

Saamerliunerusut naalakkersuisunngorpata USA-mut pissutsit sanngiillisissapput, ministerit marluk, Bertlingskemut marlunngornermi oqarput. Asseq: AP

Illuatungiliuttut Danmarkip Irakimi sorsoqataaneranut tunngaviusunik, Afganistanimi danskit tigusaminnik allanut tunniussisarneri aamma CIAp Danmarkip, Kalaalit Nunaata imaluunniit Savalimmiut silaannartaat aqqussaarlugit tigusanik angallassisarsimagaanerat pillugit sukimiisumik ataatsimiititaliarsuaq aqqutigalugu misissuititsilersaartut, ministerinit marlunnit saassunneqarput.

Taamatut ataatsimiititaliarsuaq aqqutigalugu misissuititsinerup, nunanut allanut ministeri Lene Espersen (K) aamma ineriartortitsinermut ministeri Søren Pind (V) malillugit, danskit amerikamiullu akunnerminni pissusiat innarlissavaa, Berlingske Tidende allaaserisaqarpoq.

- Naalakkersuisut saamerliit USAmut pissutsinut tungatillugu ajortumik aallartissapput, Danmarkimit ukiuni kingullerni suleqateqarsimanerup tatiginanngissusia innarlerniarlugu aallartikkunilk. Pineqartut pingasut tamarmik sukumiisumik misissorneqareerput. Washingtonimi tamanna imatut nalilerneqassaaq regeringip nutaap danskit-amerikamiullu tunngaviusumik pissitsini ajortoqarsimasoq. Isumaliortoqassaarmi arlaannik ersertugaqartoqarniarsimasoq, Lene Espersen oqarpoq.

Ataatsimiititaliarsuarmit nutaamit misissuititsinerup nutaarsiassanik kinguneqarsinnaanera ilimaginngilaa, apeqqutimi siusinnerusukkut apeqqutigineqareersimammata.

- Apeqqutissat tamaasa amerikamiunut, qanimut suleqatigisimasatsinut, ataasiarluta apeqqutigereerpavut. Sunarpiaq pissutigalugu amerikamiut sukumiinerusumik akissuteqassappat, Mogens Lykketoft FrankAaen (Enhedslistenimeersoq, aqq.) sinnerlugu apeqquteqaateqarpat, Lene Espersen oqarpoq.

Powered by Labrador CMS