Skip to main content

Oqaatsinut politiit akiliisitsisimappat?

Siumup siulittaasuata Aleqa Hammondip apeqqutigaa oqaatsinut politikki malinneqarnersoq.

Oqaatsit pillugit inatsit oqaasiinnaava imaluunniit oqaatsinut politikkip siunertaa malinneqarpa?

Taamatut Naalakkersuisunut apeqquteqarpoq Siumup siulittaasua Aleqa Hamond:

- Paaserusuppara oqaatsinut politikkimut atatillugu ingerlatsiviit pisussaaffitsik malinneraat, tamannalu peqatigalugu aamma paaserusuppara isumaqartoqarnersoq tamanna tamakkiisumik malinneqartoq, Aleqa Hammond allappoq.

Apeqqutit uku akissuteqarfigeqquvai:

- Ingerlatsiviit qanoq amerlatigisut ulloq manna tikillugu oqaatsinut politikkiminnik nakkutilliisunut nassiussisimappat?

- Inatsimmi aalajangersakkat naapertorlugit ingerlatsiviit pisussaaffimminnik naammassinninngitsut akiliisussanngortinneqarsinnaapput. Akiligassiissutit qanoq annertutigippat?

- Akiliisitsisoqarsimava?

- Oqaatsinut politikkimi ingerlatsiviit peqataanerat/peqataannginnerat Naalakkersuisut qanoq nalilerpaat?

Oqaatsinut politikki 2010-mi juulip aallaqqaataani atuutilerpoq, oqaatsinullu inatsit naapertorlugu kingusinnerpaamik 2010-mi oktobarip aallaqqaataani ingerlatsiviit oqaatsinut politikkiliorsimassapput.

Aleqa Hammondip apeqqutini ullut suliffiusut qulit qaangiutsinnagit akissuteqarfiteqquai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER