Siumut: Ilinnniarsimasut suliffissani salliutillugit
Kristian Jeremiassen isumaqarpoq ilinniarsimanngitsut ilinniarsimasunut salliutillugit sulisussarsiarineqartarneri pitsaasuunngitsoq.
Illoqarfinni mikinerusuni inuit ilinniarsimasut ilinniarsimanngitsunut naleqqiullutik suliffissaaruteriaannaasarput.
Siumut sinnerlugu Inatsisartunut ilaasortaq Kristian Jeremiassen Naalakkersuisunut paragraf 37-mi apeqquteqarnermini tunngavilersuutitut isumaqarpoq.
- Ukiuni makkunani paasivarput, ilinniarsimasuuneq peqqutigalugu illoqarfinni minnerusuni suliffissaaruttalersimasut, ilinniarsimanngitsullu sulisussatut piumaneqarnerusartut, akissarsiakinnerullutik sulisinnaanerat peqqutaanersoq naluarput, Kristian Jeremiassen oqarpoq.
Pitsaasuunngitsutut isigaa, ilinniarsimasut ilinniarsimanertik peqqutigerpiarlugu aporfissarsinnguatsiartarunarmata.
Taamaamat Kristian Jeremiassenip paaserusuppaa, suliffissarsiornermut atatillugu ilinniarsimasut salliutinneqartarnissaat pillugu inatsisiliuussinissartik pilersaarutigineraat.