Skip to main content

Nuummioq Oscarinnassanngilaq

Kalaallit quianartuliaat nunami allamiut filmiliaasa akornanni pitsaanerpaatut akissarsisinneqarnissamut periarfissaaruppoq.

Filmiliaq Nuummioq Oscarinnannissamut ilimanarsimagaluarluni, maanna tamanna qanilliartornerani ilimanarunnaarpoq.

Ippassaq Oscarimik akissarsisitsinermik aaqqissuussisut filmakademiet filmit akissarsisinneqarsinnaasutut toqqarneqarsinnaasut avammut nalunaarutigaat, taakkunannga tallimat akissarsisinneqarnissamut innersuunneqassapput. Taakkunanilu Nuummioq nunami allamiut filmiliaasa pitsaanerpaat akornanniinngilaq.

Tamanna sioqqullugu kalaallit filmiliaat taanna amerikarmiuunngitsut filimiliaasa 65-it akornanni toqqarneqarsinnaasunut ilaagaluarpoq.

- Pissangalluta aalajangiineq utaqqivarput, aamma pakatsinarpoq innersuunneqartunut ilaannginnatta. Tulluusimaarutigaarpulli akissarsisinneqarsinnaasutut toqqarneqarsinnaasunut piginnaasarput tamaat sunneeqataasinnaasimanerput, nuannaarutigaarpullu Branding Greenlandip suliap tamatuma naggataatungaatigut ikiorsimammatigut, filmiliornermi ilitsersuisartoq Otto Rosing ikinngutiminut suleqatiminullu taamatut mailerluni allappoq.

- Pitsaasortai isiginiassagaanni nunani tamalaani saqqummerniarnermut atatillugu misilittagaqalerpugut, tamanna tullissaanik filmiliornissatsinni iluaqutaajumaarpoq. Pitsaavorlu tamanna tamaanga killeqarmat. Maanna tamakkiisumik suliniutigisinnaanngorparput Nuummiup nunarsuatsinni sumi tamani saqqummersinneqarnissaanut, Otto Rosing allappoq.

Nuummioq nunat tamalaat filmfestivaleqartitsineranni 10-12-eriarlugu takutinneqarpoq, Honolulumiit Torontomut - aamma filmfestivaleqartitsisartut arlaqartut kalaallit filmiliornermi ilitsersuisartut qaaqqusarpaat. Aamma sapaatiummat Lars Rosing Palm Springsimi nunat assigiinngitsut filmfestivaleqartitsineranni filmiliortittartuni pikkorinnerpaatut toqqarneqarpoq, nunani assigiinngitsuneersunit filminik allaaserinnittartunik inuttaqartumik naliliisartunit toqqarneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER