CIA'p timmisartuussineri puigorneqanngillat

Socialdemokraterne qinersinermi ajugaassagunik CIA'p timmisartuussisarneri misissuiffigitinniarpaat

– Uagut qinersinerup kingorna arlaannaannulluunniit attuumassuteqangitsunik peqataaffigineqartunik misissuisitsinerit timmisartuussisarsimanernut, tigusanik naalliutitsisarsimanernut, Irakimi sorsunnermut tunngaviusumik aamma danskit sakkutuuisa amerikamiut sakkutuuinut tigusaminnik tunniussisarsimanerannut tunngasut ingerlatissavagut, Morten Jensen oqallinnerup kingorna oqarpoq.

Qinersineq qaangiutereerpat CIA'p unioqqutitsilluni tigusanik angallassisarsimanera iternga tikillugu misissuiffigineqassaaq. Taamak Socialdemokraterne Folketingemi pingasunngormat oqalinnerup kingorna neriorsuipput.

Socialdemokraterne pisimasunik arlalinnik ataatsimoortumik misissuititsinissamut aallarniisuuniarput. CIA'p akuerineqanngitsumik tigusanik angallassisarsimanera aammattaaq pisimasut allat marluk, tassa Danmarkip Irakimi sorsunnermut peqataanera aamma danskit sakkutuuisa tigusaminnik amerikamiut sakkutuuinut tunniussisarsimanerat pillugu. Pisimasut tusagassiutitigut aamma illuatungiliutut VK'p naalakkersuisooqatigiinneranni annertuumik isornartorsiortarsimasaat.

– Uagut tamatumap kingorna arlaannaannulluunniit attuumassuteqangitsunik peqataaffigineqartunik misissuisitsinerit timmisartuussisarsimanernut, tigusanik naalliutitsisarsimanernut, Irakimi sorsunnermut tunngaviusumik aamma danskit sakkutuuisa amerikamiut sakkutuuinut tigusaminnik tunniussisarsimanerannut tunngasut ingerlatissavagut, Morten Jensen oqallinnerup kingorna oqarpoq.

Ajortumeeriniartarneq pillugu nunat tamalaat akornanni politikki misissoqqissaarneqassaaq. Inuit pisinnaatitaaffii aamma nunat tamalaat akornanni isumaqatigiissutit malinneqarsimanngillat, taamaattumik misissuinerit tamakku pisariaqarput, Mogens Jensen isumaqarpoq, tassuma Fogh naalakkersuisuisa USA'mi Buship naalakkersuisuinut pissutsit isornartorsiorpai.

– Danmark tunngaviusumik inuit pisinnaatitaaffiisa innarlerneqarnissaannut peqataassanngilaq. Taamaaliorutta taava ajortumeeriniartartut ajugaatilaareersimasavagut, Mogens Jensen isumaqarpoq.

Bush naalakkersuisuutitarisimasai isornartorsiorneqarput

Socialdemokraterne kissaatigaat amerikamiut naalakkersuisuinut qaqugukkulluunniit pitsaasumik aamma ineriartorfiusumik attaveqarnissaq kissaatigaat, kisianni Buship naalakkersuisuutitai erloqinarsimassutut nalilerlugit:

– Telegrammit WikiLeaksimeersut, taamani amerikamiut ambassadørerisimasaata Cainip Washingtonimut nassiussimasaasa, piviusutut ersersippaat makku: Danskit naalakkersuisui ilumut marloqiusamik iliuuseqarsimasut. Tamanut saqqummiussinerminni amerikamiunut nipituuliorput, akunnerminnili pisoq nipangiutsinniarlugu iliuuseqarlutik.Isornartorsiuineq ilumut ilumoorussimasuugunikku taava ikinngutimik Buship akianut ingeriarlutik nerrivik tillussimassagaluarpaat. Ersersinneqarpoq naalakkersuisut arlaannaannulluunniit attuumassuteqangitsunik peqataaffigineqartunik misissuisitsineq qunugigaat, tamannalu tunngavigalugu taamaattumik suli allarpassuarnik uagutsinnut tamatsinnut isertuunneqartunik peqarsimassaaq, Mogens Jensen oqarpoq.

Powered by Labrador CMS