Skip to main content

Arfanniarneq puisinniarnerlu nungusaataanngitsumik

Avatangiisinik uumasunillu illersuiniaqatigiit Kalaallit Nunaanni Savalimmiunilu piniartut politikerillu isumaqatigaat

Puisinniarneq arfanniarnerlu pillugit Folketingimi Den Nordatlantiske Gruppe pingasunngormat 19. januar ataatsimeersuartitsimmat Christiansborg-imi Fællessalen inunnik ulikkaarluinnarpoq.

Kalaallit Nunaanni piniartut politikerillu sinniisaat paasisimasallit illua-tungaani akisarput, illua-tungaanilu Savalimmiuneersut akisarlutik, aammalu uumasunik avatangiisinillu illersuiniaqatigiit sinniisaat akisarlutik, Foketingimi Den Nordatlantiske Gruppe tusagassiutinut nalunaarummi allappoq.

Peqataasut isumaqatigiinngissuteqaraluartut, piniarneq nungusaataanngitsumik ingerlanneqassasoq isumaqatigiissutigineqarpoq. Illua-tungeriillu pitsaanerusumik suleqatigiinnissaat aamma kajumissaarutigineqarpoq. Atlantikup Kitaani Avannaani najugallit - pingaartumik Kalaallit Nunaanni - suliap allanngoriartornerata nassatarisai inuuniarnerminni atorpaat.

Silap pitsaanerusup avatangiisillu minguinnerusut pilersinnissaanni Nunat Atlantikup Avannaaniittut aamma avatangiisinik uumasunillu illersuiniaqatigiit avissaarsimanatik ataatsimoornermikkut nukittunerussapput, ataatsimeersuarnermi paasisat ilagaat.

Puisinniarnermik arfanniarnermillu illersuisut akerliusullu toqqaannartumik oqaloqatigiittalernissaat ataatsimeersuarnermi anguniarneqarpoq.Den Nordatlantiske Gruppe kikkunnit tamamit annertuumik taperserneqarsimavoq, oqallinnermilu illua-tungeriit oqaloqatigiittarnissaat pillugu suliniuteqarnermini nersualaarneqarsimalluni, tusagassiutinut nalunaarummi takuneqarsinnaavoq.

Ataatsimeersuarnerup nangitsissutaasussap piareersarnera Den Nordatlantiske Gruppep taamaattumik piareersalereersimavaa, nunani tamalaani suleqataasut tassani peqataatinneqassallutik. Ataatsimeersuarneq ingerlanneqaqqammersoq Nunanut Atlantikup Avannaanut Kitaanut sammitinneqaraluartoq, ataatsimeersuarnissami aggersumi arfanniarneq puisinniarnerlu nunanut tamalaanut naleqqiullugu sammineqassaaq, Liljan Weihe allappoq, Nordatlantisk Gruppemi tusagassiisarnermut suleqataasoq.

Pingasunngormat ataatsimeersuarnermi apersorneqartut ilagaat Mads Flarup Christensen, Greenpeace Danmark-imi allattuuneq, Gitte Seeberg, WWF-imi allattuuneeq, Hans Jákup Hermansen, Savalimmiuni niisarnarniartatrut peqatigiiffianni siulittaasup tullia, Kate Sanderson, Savalimmiuni Nunanut Allanut Ministereqarfimmi immikkoortortami pisortaq, Aqqaluyk Lynge, ICC-mi siulittaasoq aamma Leif Fontaine, KNAPK-mi siulittaasoq. Aalisarnermut Piniarnermullu naalakkersuisoq Ane Hansen aamma peqataavoq.

Filmit assilisallu pingasunngormat ataatsimeersuarnermit pisut Den NOrdatlantiske Gruppep internetimi quppernerani uani takusinnaavatit, www.dnag.dk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER