Skip to main content

KNR-ip unnuk kulturisiorneq taamaatippaa

Taamaallaat inuit tv-kkut aallakaatitsinermi isigiuminarnerit misilitsikkusuttullu innuttaasunik sullissivimmut unnuk kulturisiorfimmi isersinnaapput.

KNR arnanik angutinillu inuusuttunik piginnaanilinnik tv-kkullu saqqummertartussanik, nutaarsiassanik atuaasartussanik aamma radiomi tv-milu speakeriusartussanik pissarsiorpoq.

Taamaattumik KNR unnuk kulturisiornermi januaarip ulluisa 22-anni nal. 19.00 misilitsikkusuttunik misileraaniarpoq, inuillu piginnaanillit kajumissaarpai orniguteqqullugit piginnaanitillu misilerarlugit. Pingaartuuvoq assimik assingulluartumik nassarnissaq, KNR tusagassiuutitigut nalunaarummini taamatut ilisimatitsivoq.

KNR-ip inuit ujartugai tassaapput:

?18-it 30-llu akornanni ukiullit

?Ilumoorussisuusut aamma anguniakkaminnik angusaqarusuttut

?Tusagassiuutini atorfeqarusullutik takorluugaqartut

?Erseqqissumik oqaluttartut

?Kalaallisut atuarsinnaalluartut oqalussinnaalluartullu

?Avammut saqqummiussillaqqissut

?Tv-kkoornerminni toqqissisimasartut

?Isigiuminartuusut, uummarissunik isillit qungujullaqqissullu

?KNR TV-p avammut saqqummersartuatut imaluunniit KNR Radiop oqaluttuusartussaatut atorfeqarusuttut

Unnuk kulturisiornermi KNR siornatigut ammasarneratut ammassaaq. Taamaallaat isertinneqassapput inuit misilitsikkusuttut, KNR ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER