Nunatsinni atuarfiit katersuiniarnissaminnut piareersimapput
Januaarip 21-ianni nal. 10-12 qallunaaginnaanngitsut, nunatsinnili atuarfiit aamma Afrikamut katersuiniarnissaminnut piareersimapput.
Siorna DR-p nunami meeqqanut atuakkanik atorniartarfiit aamma Ramasjang Live suleqatigalugit Danmarkimi Katersuiniarnerani meeqqat 3 millioner koruunit sinnerlugit katersuipput. Ukioq manna suleqatigiinneq Dansk Skoleidrætimik, LEGO Fondenimik qallunaallu atuarfiinik annertusineqarpoq.
Qallunaalli atuarfii kisimik katersuiniarnermut piareersimanngillat - aamma nunatsinni atuarfiit peqataanissaminnut piareersimapput, Kim Godtfredsen Atuarfinni Timersorneq-meersoq nalunaarpoq.
Atuartut kilometeri ataaseq ingerlaarfigigaangassuk LEGO Fonden 1 koruunimik tunisisassaaq. Danmarkip Katersuiniarnerani nunami meeqqat katersugaat tamarmiusut DR-p arfininngornermi januaarip 29-ianni aliikkusersuinissarsuani tamanut saqqummiunneqassapput.
Atuarfissi peqataarusuppa assigiinngisitsillunilu Afrikamut katersuiniaqataalluni? Atuartut januaarip 21-ianni pisuttuaqatigisigit, taava peqataassaasi. Annertunerusumik uani paasiniaagit www.skolernesmotionsdag.dk