Ullukinneq nalliussineqartoq
Ullukinneq ualeru Nuummi nalliussineqassaaq ikumatitalisarluni ingerlaaqatigiinikkut erinarsornikkullu.
Annonse
Ukiumi ulloq naannerpaaq - Ullukinneq - malunnartinniarlugu immaqalu Nuummi ukiut tamaasa nalliussineqalersikkumallugu, ualeru tapersersuisoqarluarnissaa neriuutigineqarpoq, aaqqissuussinerit taamaattut siullersaat ingerlanneqassammat.
Nalunaaqqutaq 18.45 kommunep allaffiata eqqaani katersuuttoqassaaq, Amisut tungaannut ikumatitalerluni ingerlaaqatigiittoqassalluni, nipilersoqatigiit siuttoralugit. Tassani Nipe erinarsussaaq, kingornalu Mille Søvndahl Pedersen oqalugiassalluni, tamatumalu kingorna sermimik ilusilersugaq ikinneqassalluni. Peqataasut tamarmik gløgg-imik kaageeqqanillu sassaallerfigineqassapput.