Juullimut erinnamik nutaamik Nive inuulluaqqusivoq
Unnugu juullingajaleriissaaq, Danmark-imiit Kalaallit Nunaannut tv-kut inuulluaqqusisoqassammat
Annonse
TV-kut Kalaallit Nunaannut juullimut inuulluaqqusineq unnugu takutinneqassaaq, Julie Berthelsen-illu pisussanik nalunaaruteqartartutut tusarnaartitsisarfimmeeqatigiissavai DR Big Bandet, DR Pigekor, kalaallit erinarsoqatigiit Aavaat kiisalu erinarsortunik aqutsisartoq Michael Bojesen.
Kalaallit Nunaanniit Danmark-imiillu inuulluaqqussuterpassuit saniatigut aallakaatitami juullimut erinarsuut nutaarluinnaq aamma tusarneqarsinnaassaaq, kalaallimit erinarsortartumit Nive Nielsen-imit sananeqarsimasoq, ukioq manna Kalaallit Nunaanni nuannarineqarluartoq, ilaatigut tusarnaarneqarsinnaassallutik Nabiha kiisalu Kaya Brüel aamma Ole Kibsgaard erinniarsuarmik ukiorsiummik atuissallutik.