Skip to main content

Danmarkimut timminissat arlerneqarput

Nuummiit, Aasianniit Uummannamiillu/Qaarsuniit Air Greenlandimut ilaasussat 74-it silap ajorneranik Dash 7-illu marluk ajoquteqarneranik ullumikkut marlunngornermi Danmarkiliarniartut ilaanissaminnut anngussinnaassanngillat.

Juullimut angallanneq peqqutigalugu piffissami aggersumi inissaaruttassaaq, taamaattumik Air Greenland aqagu pingasunngornermi Atlantic Airwaysimiit timmisartumik attartussaaq Københavnimut ilaasussat oqqussinnaaniarlugit. Timmisartoq attartorneqartussaq tassaavoq British Aerospace 146, 95-inik issimasoqarsinnaasoq, aqagulu marlunut Kangerlussuarmiit aallassaaq Københavnimullu tikissalluni qallunaat nalunaaqutaat malillugu 23.20. Timmisartoq aqqutaani Keflavikimut orsersoriartussaaq.

Danmarkiliarniartut 74-it saniatigut allat 55-it marlunngornermi nunatta iluani anngutinngitsoortut ilaassapput. Taakku amerlanersaat pingasunngornerup ingerlanerani timmisartunut allanut ilaassapput.

Ilaasussat pineqartut toqqaannartumik Air Greenlandimit attaveqarfigineqassapput, Air Greenland allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER