Skip to main content

Politeeqarfik oqoqalersimavoq

Ilulissani Politeeqarfiup ilaa ulorianartumik oqoqalersimavoq.

Silaannarissanngitsoortoqartarsimavoq imaluunniit Ilulissani politeeqarfiup iluani silaannaq pitsaavallaanngilaq.

Sunaluunniit pissutaagaluarpat politiit nutaamik akiorniagassaqalerput, pinerluttuunngitsumik inatsisinilluunniit unioqqutitsisuunngitsumik. Politeeqarfik oqoqalersimavoq. Tamanna uppernarsineqarpoq sisamanngormat arlalinnik misissuinikkut.

Taamaattumik Ilulissani politeeqarfiup ilaa assersimassaaq atorneqarsinnaananilu, oquup piiarneqarnerani.

Ilulissani politeeqarfik januaarip tungaanuugallartoq taamaallaat killilimmik sullissisinnaassaaq pingaartumik eqqarsaatigalugit pas-inik, biilersinnaanermut allagartanik tunniussinerit sullissinerilllu innuttaasunut sammisunut allat eqqarsaatigalugit.

Taamaattumik politiit qinnutigaat taamaattut saaffiginnissutiginissaat 2011-mi januaarip qiteqqunneranut utaqqissuteqqullugit.

Politiit erseqqissarpaat oqoqarnera politiit upalungaarsimanerannut sunniuteqanngitsoq - soorlu pinerlunnernut ornigunnissaminnut.

Oquup atortut toqungasut organiskiusut uumassutigai pujoralaaqqanillu aniatitsisarluni. Illu oqoqarpat tamanna qasunermik, niaqorlunnermik, anersaartornikkut ajornartorsiornermik allanillu kinguneqartarpoq, aammattaarli ataavartunik ajoqusiisinnaalluni soorlu astma-mik ataavartumillu sapigaqalernermik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER