Skip to main content

USA-p sakkutuuisa timmisartortartut juullip inua malinnaaffigaat

Juullip inuata quppernera nittartagaq ukiut aappassaa tulleriisiinnarlugu atunngitsoq USA site-mik ikiuvoq, tassuunakkut juullip inuata nunarsuarmi angalanera malinnaaffigineqarluni.

Meeqqat utaqqikatattut amerikarmiut sakkutuuisa timmisartortartut radariat immikkut ittoq atorlugu juullip inuata Nunarsuarmi angalanera malinnaaffigisinnaavaat.

Juullip Inuata qamutini tunissutissanik ulikkaavillugu immereerlugu tuttunik qimuttulerluni angalanera meeqqat juulliumullu qilanaartut allat ingerlaarfia malinnaaffigisinnaavaat.

Aqagu nalunaaqutaq qulingiluat missaaniit USA-p sakkutuuisa timmisartortartut radariannik juullip inua nunarsuarmi sumiinnersoq malinnaaffigineqarsinnaalissaaq.

Malinnaaffigineqarsinnaavoq adressi una atorlugu www.noradsanta.org, tassanissaaq juullip inuata sannavianut linkeqarluni utaqqiisaalu spil-ertoqarsinnaalluni.

Sakkutuut timmisartortartut oqaatigaat teknologi nutaaq atorlugu juullip inuata angalanera malinnaaffigineqarsinnaasoq Rudolfip qingaanit qaamaneq aappalaartoq pissutigalugu.

Siorna juullimi juullip inuata nunarsuarmi meeqqanut tamanut angalaneranit videokut filmiliami takuneqarsinnaavoq sanaartukkat tusaamasat aqqusaartarai soorlu Moskvami Kreml, indiami illoqarfimmi Agrami Taj Mahal, Parisimi Eiffeltårnet aamma New Yorkimi Empire State Building.

Amerikarmiut sakkutuuisa timmisartortartut juullip inuata angalaneranik malinnaasalerput 1955-imiilli, taamanikkut Coloradomi illoqarfimmi Denverimi pisiniarfiup juullimut ussassaarummini meeqqat kajumissaarmagit pisiniarfimmut sianeqqullugit.

Kukkunikkut ussassaarummi sakkutuut timmisartortartut telefoniata normua - aamma Coloradomiittoq - ilanngunneqarsimavoq.

Tassungali siullermeersumik sianertoqarmat oberst Harry Shoup pinnguaqataajumavoq, Shoup-illu sulisuminut radarikkut takutippaa juullip inua sumiinnersoq.

Meeqqat sianertut oqaluttuunneqartarput juullip inuata qamutai tunissutissanik ulikkaartut sumut killinnersut.

Ukiuni tulliuttuni ileqqoq ineriartortinneqarpoq, tassani piumassutsiminnik sulisut telefoninik paarsisut meeqqanik oqaloqateqartarlutik.

Kingorna internetteqalerpoq taamaattumik nunarsuarmi tamarmi amerlanerpassuit juullip inuata angalaarnera malinnaaffigisinnaalerpaat.

Taamatut allappoq Ritzau.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER