Miss Grønlandiuit?

Pinnerneqqusaannermik unammisitsiniat, takornariaqarnermik teknologimillu CO2-mik aniatitsikinnerusumik siuarsaaniartut, nivissanik silap pissusianik soqutiginnittunik ujarlerput.

MIss Green Planet pinnerneqqusaannernit allanit allaaneruvoq, tassa peqataasut naluusilerlutik pinnerneqqusaatissanngimmata. Ass.: missgreenplanet.com

Arnaavit 18 29-illu akornanni ukiulik? Qorsummik iliuuseqarnikkut nunarsuaq illersorniarlugu iliuuseqarusuppit?

Apeqqutit taakkua angersinnaagukkit 5000 dollarsinik akissarsiassanillu allanik akissarsisinnaavutit, Kalaallit Nunaat sinnerlugu qaqutigoortumik pinnerneqqusaatsitsinermi peqataaguit.

Miss Green Planet, aappaagu Canadami Torontomi maajip 21-ianni 22-iannilu ingerlanneqartussaq, siullersaassaaq. Aaqqissuussisut oqarput pinnersuuneq pineqanngitsoq, silalli pissusianut iliuuseqarnermut siuarsaaniarnerusoq - kiisalu Canada akeqanngitsunik nittarsaallugu.

- Manna nivissanut inuusuttunut avatangiisinik soqutiginnittunut periarfissatsialaavoq, tamatumuunakkulu Toronto Canadalu mingutsitsinngitsumik takornariaqarfittut nittarsaanneqassapput, Tegi Obanda tusagassiorfinnut nalunaarummi allappoq.

Maajimi unamminermit arnat 29-it nunarsuarmi tamarmi finalimut ingerlaqqissapput. Taanna pissaaq Chcagomi oktobarimi. Annertunerusumik atuarit uani Miss Green Planet.

Powered by Labrador CMS