Unnuinerit amerlanerpaat Qaasuitsup kommunianiipput
Nunatsinni naatsorsueqqissaartarfimmiit kisitsisit nutaat takutippaat unnuinerit amerlanerit nunatsinni sumiinnersut.
Ukioq manna ukiup affaani siullermi takornariat akunnittarfinni unnuisarfinnilu unnuisut ikileriarput 2009-mut naleqqiullugit 7,3 procentimik, imaluunniit inunnik 2.549-inik.
Tamanna nunatsinni naatsorsueqqissaartarfiup kisitsisaataanni nutaani takuneqarsinnaavoq 2010-mi ukiup affaanut siullermut.
Akunnittarfinni unnuisarfinnilu unnuinerit amerlanerpaat tassaappu nunaqavissut unnuisut tassalu ukiumut siulianut naleqqiullugit 57.438-niit 58.325-inut amerlerialaarlutik, tassalu 887-inik amerliarlutik.
Danmarkimiit inuit unnuisut amerlassusaat appariapoq 7,656-inik 30.050-iniit 22.394-inut, nunaniilli allanit unnuisut amerlerialaarlutik 16.144-niit 17.319-inut.
Kisitsisit aamma takutippaat Kommune Kujallermi unnuisut ikileriapiloorsimasut 14.897-inii ukiup affaani siullermi 2010-mi 10.643-naallutik.
Kommuneqarfik Sermersuumi unnuinerit allangungaanngillat Qeqqata Kommunianilu aamma 33.680-niit 26.184-inut appariarsimallutik 2010-mi.
Taamaallaat Qaasuitsup Kommuniani malunnartumik amerleriarsimapput 2010-mi 31.310-miit 34.204-inut amerliartoqarsimammat.
Unnuinerit amerlassusaat ukiup siulianut naleqqiullugu taamaaginnarpoq tassalu ullut 3.1.