Aserorterisut nassaariuminaapput
- Aserorterinerit paasiniarnerat tamatigut ajornaatsuinnaaneq ajorpoq, politiini pigaartoq oqarpoq
Sermitsiaq.AG juullikkunni aserorterisoqarneranik aperiniarluni sianermat Nuummi politiini pigaartup Kristian Dahlip telefoni ileqqammerpaa. Angallataatilliop nalunaarutigeqqammerpaa angallammini aserorterisoqarnera tillinniartoqarneralu.
- Qasigiannguani ajornartoornermi umiatsialivimmut politiinik takuniaasitsivunga. Decembarip 24-ianni aamma nalunaarfigineqarpugut angallatini marlunni aserorterisoqarsimasoq. Aappaani igalaat matulu aserorterneqarsimapput, aappaanilu igalaat aserorterneqarsimallutik pigisanillu tillittoqarsimalluni, Kristian Dahl oqaluttuarpoq.
Taanna oqaluttuarpoq pisut tamakkua tamatigut paasineqarneq ajortut, kisiannili...
- Tigusaqaraangattali paasigajuttarparput ajortuliortoq taannaanersoq taakkuunersulluunniit, taanna oqarpoq.
Taassuma inuit kajumissaarpai Nuummi ajornartoornermi umiarsualivimmi pasinartunik takusaqarunik politiitut 32 14 48-mut sianertaqqullugit.