Ukiuunerani tuttuttassat umimmattassallu

Naalakkersuisut aasakkut 2010-mi aalajangiipput tuttunniarnermi umimmanniarnermilu piumasaqaatit atuuttut piffissami piniarfiusumi 2010-2011-mi ingerlatiinnarniarlugit. Tusarniaanermi akissutit takkuttut biologillu inassutigisaat tunngavigalugit piniarnermi piffissatigut allannguutit makku aalajangiunneqarput:

Tuttut:

Tuttut piniarneqarunnaassapput 15. novermber, taassuma saniatigut immikkut piniartoqarsinnaavoq region 2-mi, inuussutissarsiutigalugu piniartut ukiuunerani piniarsinnaallu-tik 18. februar 2011 tikillugu. Upernavimmeersut Nuussuarmi tuttuttassaanik tunineqarput, kiisalu region 3-mi 31. januar 2011 ilanngullugu.

Umimmaat:

Ukioq 2010 perngaamik umimmattassanik tunniussisoqarpoq Ilulissanut aamma Qeqertarsuarmut, tassalu Naternarmi umimmaqarfimmi. Pisassat taakkua eqqarsaatigalugit piniarfissaq aamma 15. novembarimut sivitsorneqarpoq.

Tuttunniarnissamut umimmanniarnissamullu piniarnissap piffissaataa aallartinnissaa unitsinneqarnissaalu pillugit apeqqutaavoq, ukiuni siuliinisut, nunap immikkoortuani sumi suullu piniarneqassanersut, kiisalu apeqqutaatinneqassalluni inuussutissarsiutigalugu piniartuuneq, sunngiffimmi piniartuuneq imaluunniit akiliisitsilluni piniarnermik aaqqissuisuunerluni. Pisassiissutit, nunallu immikkoortuini ataasiakkaani qaqugukkut piniartoqalersinnaanersoq pillugu takussutissaq 1 takuuk.

Akuersissuteqarnissamut aallaaniarnissamullu uppernarsaammut akiliinissamut piumasaqaatit:

Sumiiffiit ilaanni ammasumik pisassiineqaraluartoq, piniarsinnaanissamut akuersissummik pigisaqartut tuttunnissaminnut umimmannissaminnullu akuersissummik peqartariaqarput. Taamaammat piniartut akuersissummik kommuneqarfimminnut qinnuteqartariaqarput.

Piniarsinnaanissamut akuersissut kingusinnerpaamik 1. maj akilerneqarsimasussaavoq, 2010-2011-imi tuttunniassagaanni/umimmanniassagaanni. Tamannali tuttunniarnissa-mut umimmanniarnissamullu immikkut atuutinnginnissaa akuersissutaavoq.

Sumiiffinni ammasumik piniarnissamut ukiuni marlunni najugaqarsimanissaq immikkut akuersissuteqarnissamut suli piumasaqaataavoq.

Sumiiffinni ammasumi piniarsinnaaffiusuni kommunit piniartunut tamanut akuersissutinik arlalinnik tunniussisinnaapput. Ukioq 2010-miit Maniitsup ingerlatsiviani (Kangerluussuaq) akuersissut ataaseq atorlugu umimmaat tallimat pisarineqarsinnaalerput, taamattaaq ukiut siuliinisut tuttut tallimat akuersissummi ataatsimi nalunaarutigineqarsinnaapput.

Nalunaaruteqartussaatitaaneq

Uumasut pisarineqarsimasut tamaasa immikkut immersugassakkut nalunaarsorneqassapput (akuersissummut ilanngullugu tunniunneqartussaq), piniarfissap naammassereernerani kingusinnerpaamik sapaatit akunneri pingasut qaangiutinnginnerini kommunimut tunniunneqartussaq.

Immikkut nalunaaruteqarnissamut immersugassat tuttut umimmaallu pisarineqartut malinnaaffiginissaannut atorneqartussaapput, taamaaliornikkut aqutsisoqarfiup piniarnermi allannguutissanik iluarsiisinnaammat, pisuussutit uumassusillit siusinnerusumi atorluarneqarnissaat tamakkiisumik qulakkeersinnaammassuk. Taamaammat pingaaruteqarpoq inuussutissarsiutigalugu sunngiffimmilu piniartut tuttuttatik umimmattatillu pillugit immikkut nalunaarsuinermi immersugassap immersortarnissaa.

Tammajuitsussarsiorluni pisassiissutit, 1. september pisarineqanngitsoortut, sumiiffimmi killeqartumik pisassiissutissatut inuussutissarsiutigalugu piniartunut nalinginnaasumik nuunneqarsinnaapput. Taamaaliornikkut qulakkeerneqassaaq, ukiumi pisassiiffiusumi pisassiissutit tamakkerlugit pisarineqarsinnaanissaat.