Mamakujuttutornerit aquguk

Ualikkut mamakujuttutorusuttorujussuanngortarpit?

Taamaassimappat pissutaagunarpoq naammattumik ullo´qeqqasiorsimannginnerit. Taamaattumik paarnatorit imaluunniit boorlutorit qallersuutililaarlugu. Tassa siunnersuuterpassuit ilaat, nerisarnerit pillugit videolianit qulineersut, Kalaallit Nunaanni Nerisassanut Siunnersuisoqatigiit nettimut ilisimasaannit.

Naqitanngorlugit imatut isikkoqarput:

Nerinermut siunnersuutit qulit (Ernæringsrådet 2005):

1. Assigiinngisitaartunik nerigit

Siunnersuutit siullersaat pingaarnersaallu.

2. Kalaaliminertortarit; aalisagartukulagit qallersuutigisarlugillu

Ukiup ingerlarnga maliguk uumasullu imarmeersut nunameersullu nikerartillugit.

Nunap paarnai naatitaalu atortakkit.

Aamma ullo´qeqqasiornermi aalisakkat qallersuutigisakkit.

3. Ullut tamaasa paarnatortarit naatitartortarlutillu

Sulisartorlutit atuariartorlutilluunniit paarnamik naatitamilluunniit taquartarit.

Tamatigut malittarisassanngortiguk kissartutornerit tamaasa naatitatortarnissaq.

Paarnat naatitallu qerisut qerinngitsutulli pitsaatigaat.

4. Ullut tamaasa aseqqorluttunik iffialiartortarit, naatsiiatortarit, qaqorteqqasortortarit pastatortarilluunniit.

Iffiaq assersuutigalugu iffiaq-qaqortumit qaarsillarnarneruvoq. Knækbrød aamma ajunngillat.

Qaqorteqqasut, pastat naatsiiallu kissartutornermi nikerartittakkit.

5. Orsutorpallaarnak

Orsoq sipaaruk:

Iffiaq annikitsumik tanittaruk.

Immuk immussuillu kimikitsut kiisalu neqit qallersuutillu orsukitsut atortakkit.

Nerisassiornermi plantemargarine imaluunniit planteolie atortaruk.

6. Sukkut, mamakujuit, chipsit kaagillu ingasaanngit

Kaffisortarit tiitortarilluunniit sukkulernagu immannguaannarluunniit sukkulerlugu.

Paarnat iffiallu mamakujunnit, chipsinit kaaginillu qaarsillarnarnerupput.

Sapaatip akunneranut ataasiaannarlutit mamakujuttorit chipsitorlutillu.

7. Imertortarit - safti sodavandillu annikinnerusumik

Imeq nillersoq kuummeersoq kuutsitsivimmeersorluunniit imertaruk.

Safti sodavandillu sukkulerujussuupput immikkullu pisoqartillugu aatsaat imertakkit.

8. Nerikulagit, annertunngitsumilli

Ullormutd pingasoriarlutit nerisarit.

Ullaakkorsiutit ullormik pitsaanerpaamik aallarniutaapput.

Ullup ingerlanerani nerillattaartarit, paarnamik naatitamilluunniit, knækbrødimik aalisakkamilluunniit panertumik.

9. Ullormut minnerpaamik akunneq ataaseq timi aalatittaruk

BTimip aalatinnera tassaasinnaavoq suliartorluni pisunneq/sikkilerneq, eqqiaaneq, timersorneq, arsarneq allarpassuillu.

10. Suut nerinerlugit eqqarsaatigiuk

DiNerinermik ileqqut pisiniarnermik aallartittarpoq. Peqqinnartunik pisisarit.

Qitornatit nerisassioqatigisakkit.

Unnukkorsiorneq ilaqutariinnut katersuuttarfinngortiguk.

Piviusut: Suut nerisarpavut?

Agguaqatigiissillugu kaloriatukkatta 75%-ii nioqqutissanit avataaneersuupput, 25%-ii kalaaliminerneersuullutik!

Ernæringsrådet 2005